پێش نوێژی هەینیی مەشهەد: نابێ پێش بە بوونی هێزە ئینتزامییەکان لە کۆنسێرتەکاندا بگیردرێت

0
583

ڕۆژی کورد: بەپێیهەواڵی هەواڵدەیی “تەسنیم”، پێش نوێژی شاری مەشهەد، لە خوتبەکانی نوێژی هەینی ٢٥ی پووشپەڕی ١٣٩٥ی هەتاوی ڕەخنەی لە بڕیاری نوێی ڕژیم لەمەڕ لاچوونی چاوەدێریی هێزە ئینتزامییەکانە لەسەر دام ودەزگای مۆڵەت پێدان بە کۆنسێرتەکان گرت و گوتی : “دەزگای دادوەری ئیزن نادات، ئێران ببێتە ناوەندی پەرەپێدان بە گەندەڵیی و بەڕەڵایی”.

نوێنەری خامنەیی لە پارێزگای خوراسانی ڕەزەوی وێڕای هێرش بردن بۆ سەر ئەو بڕیارە کە ١٣ی پووشپەڕی ئەمساڵ پێداچوونەوەی بۆ کراوە گوتی: “کەس مافی ئەوەی نیە پێش بە بوونی هێزە ئەمنیەتییەکان لە کۆنسێرتە مۆڵەت پێدراوەکان بگرێ و ئێمە ناتوانین لە هەمبەر فەساد و بەڕەڵایی و خوێڕیگەری بێ لایەن و هەڵوێست بین”.

عەلەموولهودا هەروەها گوتیشی: “دەوڵەت بۆ چ شتێک مۆڵەت دەدا بە کۆنسێرت؟ ئایا ئەو مۆڵەتە بۆ بەڕەڵایی و تێکەولێکەی قەراغ کۆنسێرتەکانیشە؟”.

پێش نوێژی هەینیی مەشهەد بە تووندی ڕەخنەی لە وەزیری ئیرشادی ڕژیم گرت و گوتی: “بەختەوەرانە دەزگای دادوەرییەکی بەبڕشتمان هەیە و دادوەرە جوامێرەکانیشمان لە هەر جێیەکی ئێران ئیزن نادەن کۆماری ئیسلامی ببێتە ناوەندی پەرەپێدان بە بێ ئەخلاقی و بەڕەڵایەتی”.

ئەحمەد عەلەموولهودا، پێش نوێژی مەشهەد و نوێنەری خامنەیی لە پارێزگای خوراسانی ڕەزەوی و عەلی موزەفەرری، سەرۆکی گشتیی دادگوستەری، دوو کەس لە دژبەرانی سەرەکیی بەڕێوەبردنی کۆنسێرت لە ئێرانن و تا ئێستاش چەندین کۆنسێرت و لەناویان کۆنسێرتی شەهرام نازری و کەیهان کەلهووڕیان لە مەشهەد و نیشابوور، هەڵوەشاندۆتەوە.

سه‌رنج و كۆمێنت

كۆمێنت