ئاماری مانگانەی پێشێلکاریی مافی مرۆڤ لە کوردستانی ڕۆژهەڵات/مانگی خەرمانان

کوژران و بریندارکردنی کۆڵبەران:

بەپێی ئەو ئامارەی کە لە لایەن “مرۆڤایەتی”یەوە تۆمار کراوە، لە ماوەی مانگی خەرمانانی 1395ی هەتاویدا 5 کۆڵبەری کورد کوژراون و 3 کەسیش بریندار بوون. 6 کەس لە کوژراو و برینداربووەکان خەڵکی ناوچەی مەڕگەوەری ئورمیە و 2 کەسیان خەڵکی باژێڕی پیرانشارن. بەو پێیە هێزە ئینتزامییەکانی ڕژیم لە ئورمیە و بەتایبەتی لە ناوچەی مەڕگەوەر لەو مانگەدا زیاتریان تاوانیان لە ڕووی کوشتنی کۆڵبەرانەوە ئەنجام داوە.

ئاماری دەرکرانی سزای زیندان:

• ٥ هاووڵاتیی کوردی خەڵکی مەهاباد کە بە تۆمەتی ئەندامەتی و هاوکاری لەگەڵ حیزبه کوردییەکان‌دا دەستبەسەر کرابوون، لەلایەن دادگای مەهابادەوە حوکمی زیندانی کرانیان بەسەردا سەپا.

ئەمیر عەبدوڵڵا زاده ٦ مانگ، هێمن غەزاڵی ٥ مانگ، موزەفەر تەلانه ٦ مانگ، پژمان ئیمانی ٥ مانگ و محەمەد شوکری ٥ مانگ زیندانیی تەعزیریان بۆ براوەتەوە.

• پویا حسێن پەناهی بەندكراوی سیاسی كوردی دەستبەسەر لە زیندانی ئەوینی تاران، ڕۆژی چوارشەممە، ٣١ خەرمانان، لە لایەن دادگای شۆڕشی شاری دێوڵان بە دادوەریی سوڵتانبەخش و بە تۆمەتی چالاكیی سیاسی و هەوڵدان بە دژی ئاسایشی گشتی ئێڕان، یەك ساڵی زیندانیی تەعزیری و دوورخستنەوە بۆ زیندانی ئێڤین ـی تارانی بەسەردا سەپا.

ئاماری دەستبەسەرکراوان:

بەپێی ئامارەکانی ناوەندی ئاماری “مرۆڤایەتی” لە مانگی خەرمانانی 1395ی هەتاویدا، 24 هاونیشتمانیی کورد لە لایەن بنکە ئەمنیەتییەکانی ڕژیمی ئێرنەوە دەستبەسەر کراون کە دۆخی زۆرینەیان تا ئێستا ناڕوونە.

ئاماری لە سێدارەدان:

• بەپێی ئەو ئامارەی کە لە لایەن “مرۆڤایەتی”یەوە تۆمار کراوە، لە مانگی خەرمانانی 1395ی هەتاویدا تەنیا یەک هاووڵاتیی کورد لە سێدارە دراوە.

• ڕێکەوتی 28ی خەرمانانو هاووڵاتیەکی کوردی خەڵکی باژێڕی بۆکان بە ناوی “عەلی نەسیری”، کوڕی حەسەن، تەمەن 31 ساڵان،  لە بەندیخانەی ئورمیە لە سێدارە دراوە. “عەلی نەسیری”، مانگی بەفرانباری 1394ی هەتاوی و بەتاوانی هەڵگرتنی 400 گرەم مادەی هۆشبەری شیشە و کراک، دەستبەسەر کراوە و ڕێکەوتی 28ی خەرمانانی 1395ی هەتاوی لە بەندیخانەی ناوەندیی باژێڕی ئورمیە لە سێدارە دراوە و دواتر تەرمەکەی ڕادەستی بنەماڵەکەی کراوەتەوە.

• دوای 10 ساڵ بەندیخانە لە دار دراوە

  گوندی بالانی کامیاران

  تاران

  13ی خەرمانان

  مادەی هۆشبەر

  نەزاری

  محەممەد

• “میلاد فیرووزپەنا”، کوڕی حەسەن، هاونیشتمانیی تەمەن ٢١ ساڵانی بۆکانی بە تاوانی ڕاگرتن و ڕاگواستنی مادەی هۆشبەر، لە لایەن دادگای باژێڕی بۆکان، سزای سێدارەی بەسەردا سەپا. ناوبراو ڕۆژی سێ شەممە 18ی ڕەشەممەی 1394ی هەتاوی لە ناوچەیەکی نزیک باژێڕی بۆکان، بە تاوانی هەڵگرتن و ڕاگواستنی 500 گرەم مادەی هۆشبەری شیشە لە لایەن هێزە ئینتزامییەکانی کۆماری ئیسلامییەوە دەستبەسەر کراوە بەڵام میلاد هیچ کات ئەو تاوانەی قەبووڵ نەکردووە و سەرەڕای ئەوەش بەو تاوانە، سزای سێدارەی بەسەردا سەپا”.

کوژرانی هاووڵاتییان بە هۆی تەقەی هێزەکانی ڕژیم:

• کاتژمێر 2:30 دوانیوەڕۆی ئەمڕۆ یەکشەممە 28ی خەرمانانی 1395ی هەتاوی، ترۆمبیلێکی شەخسیی هاووڵاتیانی کوردی ناوچەی سۆماوبرادۆستی سەر بە باژێڕی ئورمیە کەوتە بەر دەستڕێژی هێزەکانی ڕژیم لەو ناوچەیە و لە ئەنجامدا کەسێک بەناوی ئەرکان سەعیدی کوڕی شەوقی خەڵکی گوندی “گێچێ”ـی ناوچەی سۆماوبرادۆست کوژراوە و یەکی تریش بریندار بووە.
• ئێوارەی ڕۆژی سێ‌شەممە ٣٠ خەرمانان، هاووڵاتییەکی کورد بە ناوی “سنار محەممەدی، کوڕی سەڵام، بە هۆی تەقەی ڕاستەوخۆی هێزە ئینتزامییەکانی حکوومەت، لە گوندی “بلوجوک” لە ناوچەی قوتوور گیانی لەدەست دا. بە وتەی سەرچاوەیەکی ئاگادار، هێزە ئینتزامییەکان بە گومانی ئەوەیکە ئەو هاووڵاتییە کوردە شتومەکی قاچاخی پێ بووە، کردوویانەتە ئامانج و لە ئاکامدا گیانی لەدەست داوە. ئەو هاووڵاتییە کوردە خەڵکی گوندی “ڕازی” سەر بە ناوچەی قوتوورە، خێزاندارە و سێ منداڵی هەیە.

خۆکوژیی ئافرەتان:

بەپێی ئەو ئامارانەی کە لە لایەن ناوەندی ئاماری “مرۆڤایەتی”یەوە تۆمار کراون، لە ماوەی مانگی خەرمانانی 1395ی هەتاویدا، ٩ ئافرەتی کورد بە شێوازی ئاگر لە خۆبەردان و خۆهەڵواسین، کۆتاییان بە ژیانی خۆیان هێناوە. لەو ٩ خۆکوژییە ٣ خۆکوژی بە شێوەی ئاگر لە خۆبەردان، ٥ خۆکوژی بە شێوەی خۆهەڵواسین و یەکیان ناڕوونە.

هۆکاری ٤ خۆکوژی لەم مانگەدا بە کێشەی خێزانی، ڕاگەیێندراوە.

یەکێک لە خۆکوژییەکان کە تا ئێستا کەمتر نموونەی بیندراوە، خۆکوژیی مامۆستایەکی خانەنشین کراوی قوتابخانەیە لە پیرانشار کە تا ئێستاش هۆکاری خۆکوژییەکەی ناڕوونە.

خۆکوژیی پیاوان:

بەپێی ئاماری تۆمار کراو لە لایەن ناوەندی ئاماری “مرۆڤایەتی”یەوە، خۆکوژیی پیاوان لە مانگی خەرمانان، هاوشێوە لەگەڵ خۆکوژیی ژنان، ٩ خۆکوژی بووە.

لەو ٩ خۆکوژییە تەنیا یەک دانەیان بە حەبی برینج بووە و یەکیان بە چەک، ئەوەی تری سەرجەم بە شێوەی خۆهەڵواسین ئەنجام دراوە.

دوایین خۆکوژیی مانگی خەرمانان کە کەسێک بە ناوی بەستام قەزایی لە باژێڕی دیواندەرە، تەمەن ٤٥ ساڵان بوو، بە هۆی بێکاری و دەرکران لە کار و بێ دەرەتانی بووە. بەستام ٤ منداڵی هەیە کە دووان لە منداڵەکانی لە زگماکەوە ئیفلیجن و ئەوەش تووشی کێشەی زۆری کردووە کە لە ئەنجامدا خۆی کوشت.

خۆکوژیی منداڵان:

بەپێی ئاماری بەردەست و تۆمار کراو لە ناوەندی ئاماری “مرۆڤایەتی”، لە مانگی خەرماناندا، خۆکوژیی منداڵ و مێرمنداڵان، داکشانی بە خۆیەوە بینیوە و تەنیا یەک کەس لە ڕێگای خۆخنکاندنەوە خۆی کوشتووە.

کارەساتی مین:

بەپێی ئامارە تۆمارکراوەکانی مرۆڤایەتی، مانگی خەرمانانی 1395ی هەتاویدا، ٤ منداڵی کورد بە هۆی ڕووداوی مین، بریندار بوون و منداڵێکیش بەو هۆیەوە گیانی لە دەست داوە.

ڕۆژی سێ‌شەممە ڕیکەوتی ١٦ی خەرمانان، سێ مێرمنداڵی تەمەن ١٥ ساڵە لە بەخشی هەورامانی شاری سەوڵاوا، بە هۆی تەقینەوەی مینە بەجێماوەکانی شەڕی ٨ ساڵە بریندار بوون.

هەواڵدەریی ئیرنا شوناسی یەکێک لەو مێرمنداڵانەی بە ناوی “محەممەد ئیبراهیمی” ڕاگەیاندووە.

بەپێی وتەی ئەو سەرچاوە، محەممەد بە هۆی سەختیی برینەکەی، لاقی ڕاستی لە دەست داوە و دوو مێرمنداڵەکەی دیکەش ئاستی بریندار بوونیان کەمترە.

ڕۆژی دووشەممە ڕێکەوتی ١٦ی خەرمانانی ١٣٩٥ی هەتاوی، لە گوندی چەکۆ سەر بە شاری سەردەشت، منداڵێکی تەمەن ٨ ساڵە بە ناوی “محەممەد ئەلیاسی”، لە چۆمی “زێ” بە هۆی تەقینەوەی مین گیانی لەدەست دا و هەروەها منداڵیکی تەمەن ١٠ ساڵە بە هۆی تەقینەوەی مین بە توندی بریندار بووە.

تێبینی: ماڵپەڕی مرۆڤایەتی داوا لە سەرجەم کوردستانیان و خەمخۆران دەکات تا بۆ باشتر و شیاوتر گەیشتنی دەنگی زۆرلێکراویی کورد بە گوێی جیهان و ناوەندە بەرپرسیارەکان مافی مرۆڤ، لە کۆکردنەوەی زیاترین هەواڵ و زانیاری، یارمەتیدەرمان بن.