چالاكی كرێكاری “بێهنام ئیبراهیم زادە” گەڕایەوە زیندان

0
953
مرۆڤایەتی: بە پێی هەواڵە بڵاوكراوەكان، بێهنام ئیبراهیم زادە چالاكی كرێكاری دوای ئەوەی ٢٢ پووشپەڕ بە دانانی بارمتەی ٦٠٠ میلیۆن تمەنی بە مەبەستی چارەسەری نەخۆشیەكەی مۆڵەتی مەرەخەسی پێ درابوو رۆژی یەكشەممە، ٨ خەرمانان گەڕایەوە زیندانی رەجایی شار.
 
ناوبراو بە مەبەستی چارەسەری نەخۆشی كوڕەكەی و دایكی چەندین جار سەردانی ناوەندە قەزاییەكانی كردووە بۆ درێژكردنەوەی مۆڵەتی مەرەخەسیەكەی بەڵام هیچ وڵامێكیان پێ نەداوەتەوە.
 
جێگای ئاماژەیە، بێهنام ئیبراهیم زادە، چالاكی كرێكاری و ئەندامی كومیتەی هاوئاهەنگی تا ئێستا چەندین جار لە لایەن ناوەندە ئەمنیەتیەكانەوە بە تۆمەتی چالاكی كرێكاری دەستگیر و بە زیندان مەحكوم كراوە.

بێهنام ئیبراهیم زادە، ساڵی 1356ی هەتاوی لە باهێڕی شنۆ لە دایک بووە.

مانگی جۆزەردانی 1389ی هەتاوی دەستبەسەر کا و سەرەتا لە لایەن لقی 15ی دادگای شۆڕش، 20 ساڵ سزای زیندانیی تەعزیری بەسەردا سەپا بەڵام دواتر لە دادگای پێداچوونەوەدا کرا بە 5 ساڵ زیندان.

مانگی ڕێبەندانی ساڵی 1393ی هەتاوی لە لایەن لقی 15ی دادگای شۆڕشی تاران بە سەرۆکایەتیی دادوەر “سەلەواتی” دادگایی کرا و بە تاوانی هاودەستی و هاوکاری لەگەڵ مجاهیدینی خەڵق لە ناو زیندانەوە و پرۆپاگەندە بە دژی ڕژیم لە ڕێگای پەیوەندی کردن بە ئەحمەد شەهیدەوە، سزای 9 ساڵ و چوار مانگ زیندانی بەسەردا سەپاوە.