Grûpên islamî yên ser bi Tirkiyê ve, şeva bihûrî bi topên giran êrîşa xwe li hin gund û rêbendên li bin kontrola çekdarên YPGê û grûpên ser bi wê ve li Herêma Efrînê dûbare kirin.
“Çekdarên grûpên islamî yên ser bi Tirkiyê ve bi çekên giran gundê Qestel Cindo (yê) ser bi devera Şera û gundê Merenazê yê ser bi Herêma Efrînê ve topbaran kirin.”
Heman jêderê got: ” Gundê Başemrayê yê ser bi devera Şêrewa bi çekên giran hatiye armanckirin, û ziyanên mezim gihane mal û zeviyên xelkên wê deverê, çekdarên YPGê bersiva wan dabûn, lê ti zanyarî li ser ziyanên kuştin û birîndarkirinê di nav herdu aliyan de nehatibû xuyakirin.”
Li gorî heman jêderê Asayîşa ser bi PYD li rêbenda gundê Xezawiyê yê ser bi devrera Şêrewa barhilgireke tijî çek û goleyên çekan, ku şifêrê wê berhilgirê dixwest wan radestî grûpên islamî li Idlibê bikira hate desteserkirin.
Ev ne cara yekê ye gundên Herêma Efrînê ji aliyê grûpên islamî ve rastî topbaranan tên û bi taybetî yên nêzîkî sînor, û welatiyên wan deveran nerazîbûna xwe diyar dikin û bang li hemû aliyan dikin ku êrîş û armanckirina sivîlan werin rawestandin.