Li eyaleta Ormiyê ya Kurdistana Rojhilat, di heyama 8 mehan de zêdetirî 500 kes di bûyerên tirafîkê de mirin, bi hezaran kes jî birîndar bûne.
Rêveberê giştî yê bijîşkiya qanûnî ya Ormiyê ragihandiye, ji Newroza îsal ve heta niha 526 kes ji ber bûyerên tirafîkê mirine û zêdetirî 8 hezar kes jî birîndar bûne.
Wî rayedarê eyaleta Ormiyê daye zanîn ku rêjeya mirinê di bûyerên tirafîkê yên îsal de li gorî par, %18 zêde bûye.
Li gorî agahiyên rêveberê giştî yê bijîşkiya qanûniya Ormiyê, herî zêde li Ormiyê welatî di bûyerên tirafîkê de mirine çimkî di nav 8 mehan de 111 kes li Ormiyê mirine.
