کوژرانی ١٦ ئەندامی سپای تیرۆریستیی پاسدارانی ڕژیم لە سووریە

0
1526

ڕۆژی کورد: بەپێی هەواڵی هەواڵدەرییەکانی ناوخۆی ئێران، ئەمڕۆ چوارشەممە ٢٨ی ڕەزبەری ١٣٩٥ی هەتاوی، ١٢ پاسداری ڕژیمی ئێران، لە شەڕ و تێکهەڵچوونەکان لەگەڵ ئۆپۆزیسیۆنی سووریەدا کوژران.

“ماڵپەڕی ئۆرێنت نیوز” لە هەواڵێکدا باس لە پێکانی ترۆمبیلێکی زرەهی بی.ئێم.پی ‌هێزەکانی ڕژیمی ئەسەد بە مووشەکی بڵاو کردۆتەوە کە سەرجەم ٥٠ کەسی ناو ترۆمبیلەکە کوژراون.

12 کەس لەو 50 کەسە ئەندامی سپای تێرۆریستی پاسدارانی ڕژیمی ئێران بوون.

لە لایەکی تریشەوە، بەپێی هەواڵی ماڵپەڕی ئەفسەران، ٤ ئەندامی تری سپای تێرۆریستیی پاسدارانی ئێران بە ناوەکانی “سەید عەلی حوسێنی، سەید ساجد حوسێن، سەید مۆحسێن و حەسەن و شەبیر حوسێن لە حەلەب کوژراون.

“ئەفسەران” لە ڕاپۆرتێکدا بڵاوی کردەوە کە مەلایەک بە ناوی “سەعید بیازی‌زاده” کە شان بە شانی هێزەکانی ئەسەد لە سووریه دژی ئۆپۆزیسیونی ئەو وڵاتە شەڕی دەکرد، کوژراوە.

لە ماوەی نزیک بە ٦ ساڵ شەڕی ناوخۆیی لە سووریە، بەشێکی زۆر لە ئەفسەران، کادر و پلەدار و ئەندامانی سپای تیرۆریستیی قودس کە لقی دەرەوەی سپای تیرۆریستیی پاسداڕانی ڕژیمە، کوژراون.

پێدەچێ بە چڕبوونەوەی شەڕی دژ بە داعش لە موسڵ و پاشەکشەی ئەو ڕێکخراوە تیرۆریستییە بۆ سووریە، ڕێژەی کوژراوانی ڕژیم لەمەبەدوا زێدەتر ببێت.

سه‌رنج و كۆمێنت

كۆمێنت