ڕۆژی کورد: بە پێی هەواڵی داكۆكیكارانی مافی مرۆڤی كوردستان، كەماڵ شەریفی رۆژنامەنوس و زیندانی سیاسی كوردی دەستبەسەركراو لە زیندانی میناب دوای هەشت ساڵ تا ئێستاش مافی چاوپێكەوتنی پێنەدراوە.
تا ئێستا و لە ماوەی ئ٨ ساڵ لە دەستبەسەر بوون، تەنیا جارێك دایك و براكەی بۆ چەند ساتێك توانیویانە چاویان پێی بكەوێ.
شەریفی لەو ماوەیە دا چەند جار و بۆ ماوەی درێژخایەنیش مانی گرتووە تەنانەت جارێك بەم هۆیەوە تووشی جەڵدە بووە و لای ڕاستی لەشی لە كار كەوتووە.
كەماڵ شەریفی ٢٤ ساڵ تەمەن و خەڵكی شاری سەقز، ساڵی ١٣٧٨ بۆ پەیوەندی لە گەڵ نوسەران ئەدیبانی كوردستانی رۆژهەڵات لە هەرێمی كوردستانەوە گەڕایەوە بۆ شاری سەقز كە لە ماڵێك دا لە لایەن ناوەندە ئەمنیەتیەكانەوە گەمارۆ درا و دەستبسەر كرا و ئێستاكە لە زیندانی شاری میناب دەستبەسەرە.
کمال شەریفی زیندانی سیاسی و دورخراوەی کورد لە بەندیخانەی میناب هەروەها لە ماوەی مانگرتنی درێژخایەنی کەبوودوەندا پشتگیری وهاودەنگی خۆی بۆ محمدصدیق کبودوند ڕاگەیاندبوو و سڵاوی بۆ ئیرادەو کۆڵنەدانی محمدصدیق کبودوند ناردبوو.
کەماڵ شەریفی پێشتر لە زیندانەوە نامەیەکی دابۆ دەرێ ولە بەشێک لەو نامەیەدا هاتوە لە ماوەی 7 ساڵی ڕابردوودا تەنیا جارێک مافی چاوپێکەوتن لەگەڵ دایکی بەوان دراوەو لەو تاقە یەک جارەشدا کە بەتوندترین شێوە چاوەدێرییان خراوەتەسەر؛ رێگە نەدراوە لەگەڵ دایکی بە زمانی کوردی بدوێ، ئەویش لە کاتێکدا کە دایکی زمانی فارسیی نەزانیوە.
