گه‌ڕیده‌و مێژوونووسێكی كورد له ته‌مه‌نی ٩٣ ساڵی له شاری سلێمانی كۆچی دوایی كرد.
کاتژمێر ١٠ ی بەیانی ئەمڕۆ١٠/١٠/٢٠١٧ “کەریم زەند”، کە یەکێکە لە گەڕیدە و مێژوو نووسە ناسراوەکانی کورد لە ماڵەکەی خۆیدا لە شاری سلێمانی بەهۆی نەخۆشییەوە کۆچی دوایی کرد.
كه‌ریم زه‌ند، نزیكه‌ی ٣٠ بۆ ٤٠ كتێبی ئاماده‌كرا و ده‌ستنووسی هه‌یه، ١٥ كتێبی جۆراوجۆری هه‌یه، كه خۆی له بواره‌كانی جوگرافیا و مێژووی كوردستاندا ده‌بینێته‌وه.
كه‌ریم زه‌ند، له ساڵی ١٩٢٤ له گه‌ڕه‌كی “مه‌ڵكه‌ندی” شاری سلێمانی له‌دایكبووه و خوێندنی سه‌ره‌تایی هه‌ر له سلێمانی ته‌واوكردووه و له ساڵی ١٩٤٤ خانه‌ی مامۆستایانی له به‌غدا ته‌واوكردووه‌وخاوه‌نی میدالیای بارزانی نه‌مره.
كه‌ریم زه‌ند ، له ساڵی ١٩٤٦ به‌شداری له كۆماری مه‌هابادی كردووه ، له‌دوای كۆماری مه‌هاباد له‌گه‌ڵ “مه‌لا مسته‌فای بارزانی”، رووی كردووه‌ته یه‌كێتی سۆڤییه‌تی جاران.
