هاواری کانی بڵ دەگاته گوێی هەموو جیهان جگه لە دەنگ و رەنگی سنه

0
683

بەپێی راپۆرتی ماڵپەڕی ژینگەوان، کەمپەینی هاواری کانی بڵ بەبڵاوکردنەوەی راگەیەندراوێک داوا لە خەڵکی کوردستان دەکات کە بەمەبەستی مەحكووم کردنی سانسۆری ناڕەزایەتییەکانی کوردستان بە نیسبەت خنکانی کانی بڵ لە ناوەندی دەنگ و رەنگی سنه، لەگەڵیان بن.

لەم هەوڵە نوێیەدا کە کەمپیەنی هاواری کانی بڵ رێکی خستووە وێڕای مەحکوومکردنی سانسۆری کاناڵی ئوستانی سنە داوا لە خەڵکی سنە، کرماشان، ئیلام و ورمێ و هەموو هاوڵاتییانی کوردستان بەتایبەتی ئەو 1250 کەسەی کە داواکاریی کۆتایی هێنان به مانگرتنیان لە مانگرتوان کردبوو، دەکات کە وێنەی خۆیان بە نووسراوەی ” هاواری خەڵک ببیسن، کانی بڵ مەخنکێنن ” بۆ کەمپەینی هاواری کانی بڵ بنێرن.

سانسۆری ناڕەزایەتییەکانی کوردستان بە نیسبەت خنکانی کانی بڵ لەلایەن دەنگ و رەنگی سنەوە لە حاڵێکدایه کە چەندین رێکخراو وهەواڵدەریی جیهانی بە نیگەرانییەوە دەڕواننە دروست کردنی بەنداوی داریان.

لەم پێوەندییەدا رێکخراوی کۆناراناسی ئامریکا هەواڵی دۆزینەوەی گەلێک ئاسەواری مێژووی و کەونارای بڵاو کردووەتەوە و تێیایدا رایگەیاندووە کە ئەم ئاسەوارانە بە ئاوگیریی بەنداوی داریان لەناودەچن.

هەروەها ماڵپەڕی ” نیوو هیستۆرین ” مێژووی تازە و گۆڤاری نەشناڵ جێئۆگرافیکی لەهێستان هەواڵی لەناوچوونی گەلێ ئاسەواری بە ئاوگیریی بەنداوی داریان بڵاو کردووەتەوە.

ن: هێدی کامرانیپوور

سەرچاوە: کاناڵی کەمپەینی رزگاریی کانی بڵ و هاواری کانی بڵ لە تێلێگرام