ئەمڕۆ هەینی وەزارەتی دەرەوەی تورکیه لە بەیاننامەیەکدا ڕایگەیاند، پاراستنی ئاسایشی خاک و یەکگرتوویی سیاسەتی عێراق سیاسەتی بنچینەیی تورکیه یە.
هەروەها وتیشی “پێمان وایە کە ئەوە هەڵەیەکی زۆر خراپ دەبێت”.
ڕۆژی ٧ی مانگ ژووئه ن ، جگە لە گۆڕان و کۆمەڵ، بارزانی و لایەنە سیاسییەکانی هەرێم کۆبوونەوە و بڕیاریاندا ڕۆژی ٢٥ی دێسامبری ئەمساڵ ڕیفراندۆم بۆ سەربەخۆیی هەرێمی کوردستان ئەنجام بدرێت و ناوچە کوردستانییەکانی دەرەوەی ئیدارەی هەرێمیش بگرێتەوە.
لەیەکەم کاردانەوەی نێودەوڵەتیدا وەزیری دەرەوەی ئەڵمان هۆشداریدا لە گرتنەبەرى هەنگاوى تاک لایەنە لە پرسی ڕیفراندۆمدا و وتی یەکپارچەىی عێراق هەڕەشەى گەورەى لەسەرە.
لە لایەکی ترەوە نەتەوە یەکگرتووەکان ڕایگەیاند هەڵوێستی ئەوان لەگەڵ دەستوردایە و ئەگەر لە هەرێمی کوردستان دەنگ بە بەڵی بدرێت لە ڕیفراندۆمدا و کوردستان ویستی ببێتە ئەندامی نەتەوە یەکگرتووەکان ئەوا، دەبێت ئەنجوومەنی ئاسایش لەوبارەیەوە بڕیار بدات.
هەروەها شەوی ڕابردووش، وەزارەتی دەرەوەی ئەمریکا ڕایگەیاند “ئێمە لە خەونی ڕەوای گەلی کورد تێدەگەین و ڕێزی لێدەگرین، بەڵام ئێمە پشتگیری یەکپارچەیی خاکی عێراقێکی دیموکرات دەکەین”.
هەروەها وتیشی، دوای تێکشکانی داعش بەرپرسانی هەرێم و عێراق دەتوانن گفتوگۆ بکەن لەبارەی سەربەخۆیی هەرێمەوە.