رۆژی کورد؛
ژمارە یەکی گۆڤاری ژین کە تایبەتە بە گوندەکانی شاری بۆکان، چاپ و بڵاوکرایەوە.
گۆڤاری ژین، مانگنامەیەکی فەرهەنگی، کۆمەڵایەتی و هونەرییە کە خاوەن ئیمتیازەکەی دامەزراوەی هەرەوەزیی گشتیی بەڕێوەبەرانی شارەدێیەکان (شرکت تعاونی چند منظورە دهیاران) بەشی ناوەندیی بۆکانە و دوکتور حسێن مکائیلی وەک مودیر مەسئول و جەلال نەجاری وەک سەرنووسەر و سولەیمان مەنسووری وەک بەرپرسی بەشی نێوخۆیی و وێنەگر و کاوە عیزەتخا و ئەمین گەردیگلانی و ڕوبار بوداغی وەک دەستەی نووسەران کاری تێدا دەکەن.
گۆڤاری ژین بە دوو زمانی کوردی و فارسی بابەتەکانی خۆی بڵاو دەکاتەوە و ئاوڕ لە ژیان و گوزەرانی خەڵکی گوندەکانی بۆکان دەداتەوە و کلتوور و ڕەسەنایەتی و فولکلۆری ئەو ناوچەیە تیشکی دەخرێتەسەر.
بەشێک لەو بابەتانەی کە لە ژمارە یەکی گۆڤاری ژین بڵاو کراونەتەوە بریتین لە؛
دەنگی لادێ
گفتگو با رشید ایلخانیزادە
ئاوایی گڵۆڵانی گەورە
دیمانەیەک دەگەڵ ڕەسووڵ نادری
مێژووی ژیانی ئەدەب
ژ یانی ژیان (ژیاننامەی مامۆستا ئاسۆ)
چێرۆک
شێعر
ڕێنوێنی ئەدەبی
چیرۆکی فولکلۆر: خەلیفە
خەج و سیامەند
چیرۆکی منداڵان
شێعری منداڵان
تەنز و کاریکاتۆر
وێنە
فەرهەنگۆک
…
رۆژی کورد هیوای سەرکەوتن بۆ دەستەی بەڕێوەبەریی و ستافی گۆڤاری ژین دەخوازێ و دەستخۆشی و ماندوونەبوونیان پێ دەڵێت.
