گڕوگاڵی منداڵان: بەپێی هەواڵی گەیشتوو بە ناوەندی ڕۆژی کورد، نۆزدەهەمین فستڤاڵی ناونەتەوەیی چیرۆک بێژی لە هۆڵی فەرهەنگ و ئیرشادی مهاباد، بەڕێوەچوو.
ئەو فستڤاڵە لە ئاستی ئێراندا بەڕێوە دەچێ و ئەو ساڵ نۆزدەهەمین جاری بەڕێوەچونی بوو.
لەو فستڤاڵەدا نزیک بە ٥٠ کەس کە ئاستی مهاباد بەشدارییان کردبوو و ٢٥ چیرۆک لەناو چیرۆکەکان بۆ قۆناغی کتێبخانەیی هەڵبژێردران و دواتر ٨ کەس لەو ناوە هەڵبژێردران.
لە ناو چیرۆکە هەڵبژێردراوەکاندا ٣ کەس لە بەشی ئازاد، ٣ کەس لە بەشی منداڵان و ٢ کەسیش لە بەشی دایەگەورە و باوەگەورە، هەڵدەبژێردرێن.
کەسانی هەڵبژێردراوە و براوە لە قۆناغی پارێزگاییدا بەشدار دەبن.
Comments
