مستاگـــے په ایردستیـــں راجـــاں

0
775
امریکی لشکـر شام ءِ التنف دمگ ءَ گپته ءُ اوداں لشکـری بنجاهے اڈ کنگ اِنـت ءُ هنوں امریکی سرباز ءُ جرنیل گوں ایرانی تروریستی سپاه ءُ لبنانی  حزب نصرالله ءَ دیم په دیم اَنت۰  دلجم اوں  که آهانی دیم په دیمی  یک دراج  کَشیں جنگے هم گون اِنت که جلادیں هامنه ای ءُ  تهران ءَ هم سَر بیت۰
امریکاےءِ پئــؤج گوں اے کارءَ ایران ءِ « تهران ـ بیروت » راه ءِ پروجکیت ءَ اوشتارینتت۰ بوت کنت که  التنف بنگیجی جاهے پہ ایران ءُ امریکاے ءِ آیوکیں جنگ ءَ به بیت ءُ اے دلجمی گپ ایت که امریکه بے  برنامه ءُ استراتجی نهنت۰
کوردستان ءِ شیرزالیں پیشمرگاں وتی مُلک ءِ بیرک ءَ برز کته ءُ  الرقه ءَ آزات کنگاینت۰  آ جار پِرّینتـه که آزاتیں کوردستان ءُ الـرقه ءِ شهرا هچ کس ءِ دستا ندینت۰  ایرانی ناشریں سپاهیگ ءُ لبنانی نصرالله ءِ جهادی مهلوک که په وتی هیال ءَ ماں ویرانیں شام ءَ جهـاد کنگاینت بایدانت چه آ ملک به تچنت اگاں نه هموداں کشگ ءُ زدگ یا که بنـدی بـنت۰

گوں گوستگیں چل سالانی  دوازده امامی ٹولی ءِ بادشاهی ءُ کُشت کُشار، ایردستیں راجانی بیداری،  بلــوچ، کورد، عرب الاحوازی، تورک ءُ تورکمنانی راجی جهد ءُ هک لوٹی ءُ میاں استمانی جاوراں ایران ءِ  پروشگ ءَ بَیَگی انت۰ چه یک نیمگے شیهہ ملایانی وت ماں وتی جیڑه هنون سکّ باز اَنت ءُ چه دگه نیمگے پارسیانی سریں پرشتگیں اپوزیسیون تپاک ءُ یکدست نهنــت۰

  امریکه ءِ واکدار چیرندینت که په ایران ءِ ملایانی بادشاهی ءِ هلاسی ءَ چست ءُ ائیر کنگاینت۰  گپ ایش انت که آهانی گچیں گتگیں  ٹولی باریں کئـے انت که ایران ءِ سیاسی واک ءَ چه ملایانی دست ءَ پــچ بگرنت؟
ایش که شاه ءِ چک ءَ  بزان رضا پهلویءَ دیما یارنت یا  مجاهدین خلق ءَ یا که دوئیناں تپاک کنائین انت ءُ گوں سیکیولاریں ملایاں یک نوکیں  آلترناتیو ے جوڑ کنت ماں آئنده ءَ گیشتر مالوم بیـت۰ بلئے یک  گپے پدّرانت که آ ایرانءِ پروشگ ءَ نئے نام گرنت ءُ نئیکه اِنکار کننت۰
اے گپ بزاں ایران ءِ پروشگ گوں ایردستیں راجانی جهدانـی پُرزوری، تپاکــی ءُ تیزگامی ءَ همگرنچ انــت۰ البت دگه بُن گپے هم دلگوش گور کنگی انت که اگاں پارسیانـی جِنـد په مَرکی یِں ایران ءِ  زندگ دارگ ءَ بے وس ءُ واک به بنـت بارین چنت ایران پرستیں تورک ءُ عرب ءُ کورد ءُ بلوچ  گوں تهــران ءِ نوکیں واکداراں  هوار بنت ءُ « فدرالیسـمِ » ءِ نام ءِ سرا بندیگیں راجانی ایردستی ءِ دراج کش کنگ ءَ گوں پارس ءِ  سیاسی ٹولی ءَ هم شــور بَـنــت؟

آ وَ زاننت پارسیانی  پگـری ءُ سیاسی باور چے اَنت ءُ وَت تجربه اش کته که پارس مهلـوک دگه راجاں  چه وت ءَ جَهل تر زاننت۰ آ شر زاننت که گوں پارسیانی  پدمنتگیں پگـر ءُ ناهودگیں راسیستی  باوراں ماں ایران ءَ یک فدرالی ءُ دمکراتیکیں سیاسی سیستمے ءِ برجاه کنگ ناممکن انــت۰
گـڑا آ پرچا په وتی راج ءُ لکّانی لَکّ انسانانی رکینـگءَ تُشے پگر نکننـت ءُ  پرچا نہ لوٹنت که انگریزانی پروش وارتگیں ایران ءِ  سیاسی پروجیکت  کَبـرا ائیر دیگ  به بیت۰  اے یک هبکّه ای بُن گپ ایت!   تنے وهدا اے بُن گپ ءِ دلیلان ءَ  نئے « کومله کوردستان » ءُ  «حزب دمکرات کوردستان ـ  ئیران »   داتـہ ءُ نئیکـہ آدگه فدرالیستـاں۰
آزات ءُ آباد بات گنجيــــــں بلوچستــــــان
     پروشت ءُ پـروش باتنـت ايران ءُ پاکستـان 
محمــد کـريــم بلـــوچ
ژوئیــه ۲۰۱۷

Comments

comments

LEAVE A REPLY

Please enter your comment!
Please enter your name here