سەربازێکی کورد، بە شێوەیەکی گوماناوی کوژرا

0
958

ڕۆژی کورد: بەپێی هەواڵی هەواڵنێری ناوەندی ڕۆژی کورد لە باژێڕی مەریوان، لە پاسگای بەردە ڕەشەی سەر بەو باژێڕە سەربازێکی کورد بە شێوەیەکی گوماناوی کوژراوە.

ئەو سەربازە کوردەی خەڵکی ناوچەی مەریوان، ڕۆژی شەممە۲۲ی گەلاوێژی 1395ی هەتاوی، لە پاسگای بەردە ڕەشەی سەر بەو باژێڕە، بە شێوەیەکی گوماناوی کوژراوە.

هەواڵنێری ڕۆژی کورد، شوناسی ئەو سەربازە کوردەی بە “ئیسماعیل بەسامی”، کوڕی فایق بەسامی، تەمەن ۲۰ساڵان، خەڵکی گوندی لاویسان و دانشتووی گەڕەکی ئیدارەی رێگەوبان لە نزیک کۆرەپای شەبرەنگ لە شاری مەریوان کە لە کۆتایی ڕۆژەکانی دوورەی زۆرەملیی سەربازی خۆیدا بوو، لە پاسگای بەردە ڕەشە و لە کاتی پشوودا لە ناو حەوشەی پاسگا لە پشتەوەڕا تەقەی لێکراوە و دەست بە جێ گیانی لە دەست دەداتوە.

بەرپرسانی ئەو پاسگایە و هەروەها بەرپرسانی سەربازیی ئاگادار و بەرپرسی ڕژیم لە مەریوان، سەرەڕای ئەوەی کە  ئیسماعیل شەوی ڕابردوو تۆشی ئەو ڕووادوە بووە و گیانی لە دەستداوە تا ئەمشەو بنەماڵەیان ئاگادار نەکردۆتەوە و دوای یەک ڕۆژ پێیان ڕاگەیاندوون کە کوڕەکەتان لە پزشکی یاسایی باژێڕی سنەیە.

 

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.