چاره‌نووسی خانمه‌ ڕۆژنامه‌نووس و چالاكی ژینگه‌پارێز خه‌ڵكی سه‌رپێڵی زه‌هاو نادیاره‌

0
704

ڕۆژی كورد :
به‌ پێی ڕاپۆرته‌كانی ناوه‌نده‌كانی مافی مرۆڤ ڕۆژی هه‌ینی ڕێكه‌وتی ٢٩ی نوامبر خانمه ڕۆژنامه‌نووسی كورد “فریشته چراغی” دانیشتووی سه‌رپێڵی زه‌هاو له‌ لایه‌ن هێزه‌ ئه‌منیه‌تییه‌كانی ڕژیمی ئێرانه‌وه‌ ده‌سبه‌سه‌ر كراوه‌ و بۆ ناوه‌ندی ده‌زگای ئه‌منیه‌تی شاری كرماشان ڕاگوێزراوه‌ و تا ئێستا چاره‌نووسی ناوبراو نادیاره‌ بنه‌ماڵه‌ی ناوبراو ئاگاداری بارودۆخی نین.

فریشته چراغی خانمه ڕۆژنامه‌نووس و چالاكی مافی مرۆڤ و ژینگه‌پارێزی كورد و په‌یڕه‌وی ئایینی یارسان دانیشتووی شاری سه‌رپێڵی زه‌هاو سه‌ر به‌ پارێزگای كرماشانه كه‌ هاوكات وه‌كوو ئه‌ندامی چالاكی ڕێكخراوی ژینگه‌پارێزی داڵاهوو ناسراوه‌ و دوابه‌دوای خۆپیشاندانه‌ جه‌ماوه‌رییه‌كانی خه‌ڵكی ناڕازی پارێزگاكانی ئێران له‌ لایه‌ن هێزه‌ ئه‌منیه‌تییه‌كانی ڕژیمه‌وه‌ ده‌سبه‌سه‌ر و ڕه‌وانه‌ی شوێنێكی نادیار كراوه‌.
پێویسته ئاماژه‌ به‌وه‌ بدرێت كه‌ دوابه‌دوای ڕأگه‌یاندنی هه‌واڵی به‌رزبوونه‌وه‌ی نه‌رخی به‌نزین و سووته‌مه‌نی له‌ لایه‌ن به‌رپرسانی ئێرانه‌وه‌ جه‌ماوه‌ری ناڕازی له‌ كرماشان و شاره‌كانی ڕۆژهه‌ڵاتی كوردستان و هه‌موو پارێزگاكانی ئێران هاتنه سه‌ر شه‌قامه‌كان و به‌ خۆپیشاندان ناڕه‌زایه‌تیی خۆیان ده‌ربڕی كه‌ له‌ ئاكامدا كه‌وتنه‌ به‌ر ده‌سڕێژی هێزه‌ چه‌كداره‌كانی ڕژیم و ژماره‌یه‌كی زۆر شه‌هید و بریندار كران و ژماره‌یه‌كی زۆر ده‌سبه‌سه‌ر كراون و تا ئێستاش چاره‌نووسیان نادیاره‌.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.