ڕۆژی کورد: بەپێی هەواڵی هەواڵنێری ناوەندی ڕۆژی کورد، چنوور شێخەنەژاد خێزانی کامیل عوسمانی کە ڕۆژی شهممه 8ی خهزهڵوهری 1395ی هەتاوی بە هۆی تەقینەوەی کەپسولی گاز لە نێو کرێکارانی کورد لە تاکستان، وێڕای چەند کەسی تر بریندار ببوو، ئەمڕۆ سێ شەممە ١٨ی خەزەڵوەری 1395ی هەتاوی گیانی لەدەست دا.
چنوور شێخەنەژاد لە بنەڕەتدا خەڵکی گوندی سنجێ ـی ناوچەی ئالانی سەردەشتە و لە گوندی سوێناس ـی مهاباد، ژیانی هاوبەشی پێکهێنابوو.
ڕۆژی شهممه 8ی خهزهڵوهری 1395ی هەتاوی، بە هۆی تەقینەوەی کەپسولی گاز لە نێو کرێکارانی کورد لە تاکستان، منداڵێکی تەمەن ٣ ساڵان گیانی لەدەست دا و ٥ کەسی تریش بریندار بوون.
ئەو کرێکارە کوردانە خەڵکی گوندی سوێناس ـی سهر به باژێڕی مههاباد و سنجوێی ناوچەی ئالانی سەردەشت ـن کە بە هۆی نەبوونی کار لە کوردستان، ڕوویان کردۆتە باژێڕی تاکستان.
ناوی بریندارەکان بریتی بوو لە: حوسێن عوسمانی، کامیل عوسمانی، شەرمین و ئەسرین شێخەنەژاد و چنوور شێخەنەژاد.
شەرمین و ئەسرین ژن خوشکی کامیل عوسمانی و خەڵکی گوندی سنجوێی ناوچەی ئالانی سەردەشتن.
کامیل عوسمانی و خێزانەکەی و ئەسرین و شەرمین ڕۆژی شەممە لە نەخۆشخانەی ڕەجایی شاری قەزوێن نەشتەرگەرییان بۆ کرابوو.
