ڕۆژی کورد: بەپێی هەواڵی بڵاوکراوە لەلایەن سەرچاوەکانی ناوخۆیی سەر بە سپای تیرۆریستیی پاسدارانی کۆماری ئیسلامیی ئێران، ئەمڕۆ شەممە ٦ی خەرمانانی ١٣٩٦ی هەتاوی، لە تێکهەڵچوونێکی چەکداری لە نێوان هەنگی سنووریی ڕژیم لە ئورمیە و هێزێکی کوردیدا، ٩ کەس لە هێزەکانی ڕژیم کوژراون و بریندار بوون.
لەو تێکهەڵچوونەدا، ٢ کەس لە مەئموورانی ڕژیم کوژراون و ٧ کەسیشیان بریندار بوون کە دەگوترێ دۆخی جەستەیی ٣ کەسیان ناجێگیرە.
ڕاگەیێنەکانی کۆماری ئیسلامیی ئێران بڵاویان کردۆتەوە کە ئەو تێکهەڵچوونە لە نیوان هێزەکانی ڕژیم و گریلاکانی پژاک هاتۆتە ئاراوە بەڵام تا ئیستا هیچ هێز و لایەنێکی کوردی ئەنجام دانی ئەو عەمەلیاتەی وەئەستۆ نەگرتووە.
چەند سەرچاوەیەکی نافەرمی ناوی یەکێک لە کوژراوەکانیان “سەرهەنگ دووهەم، فیرووزی” ڕاگەیاندووە.
ناوی بریندارەکان بەو شێوەی خوارەوەیە:
١- ئیستوار دووەم، ڕەزا نیعمەتی
٢- گرووبان یەکەم، مستەفا بەسیر
٣- گرووبان یەکەم، ئەمین میرزایی
٤- حوسێن قارەمانی- سەرباز
٥- هادی ئەسڵانی- سەرباز
٦- سەعید تەقی لوو- سەرباز
٧- سیامەک محەمەدی- سەرباز
