بە گوێرەی هەواڵی سەرچاوەکانی سپای تیرۆریستیی پاسداران ئەمڕۆ لە ناوچەی ئەزگلە شەڕ و پێکدادان هاتووەتە ئاراوە کە هەواڵنیری ناوەندی ڕۆژی کوردیش ئەو هەواڵە پشتڕاست دەکاتەوە.
روژی کورد: سپای تیرۆریستیی پاسداران دەڵێ ئەو تێکهەڵچوونە لە نێوان ئەوان و گرووپی تیرۆریستیی داعش هاتووەتە ئاراوە بەڵام زانیاریەکان ئەوە پشتڕاست ناکەنەوە.
لەو تێکهەڵچونەدا دوو جاش و پاسدارێک کوژراون کە بریتین لە:
1-ساڵح شێعری خەڵکی ئاوایی کێسەڵە-سەلاسی باوەجانی، جاش و نیشتمانفرۆش
2-حسێن محەمەدی-خەڵکی گوندی دواڵێ سەر بە سەلاسی باوەجانی، جاش و نیشتمانفرۆش
3-ئەحمەد شۆهانی-خەڵکی شاری نەهاوەند سەر بە پارێزگای هەمەدان
سپای تیرۆریستیی پاسدارانه ەروەها دەڵێ ١٦ داعشیان گرتووە و ٣یان کوشتوون و ٢ش گەمارۆ دراون.
ڕژیمی ئێران هەر کات گەرەکی بووبێ کوردستان زیاتر میلیتاریزە بکا، باسی هاتنی داعشی بڵاو کردووەتەوە.
تا ئێستا هیچ حیزب و گرووپێکی کوردی بەرپرسیارەتیی ئەو شەڕەی نەگرتووەتە ئەستۆ.
