ڕێکخراوەکانی مافی مرۆڤ: نەتەوە یەکگرتووەکان پێویستە میکانیزمێکی لێکۆڵینەوە بۆ لەسێدارەدان لە ئێران پێکبهێنێت

ئەمڕۆ دووشەممە 22ی پووشپەڕ، چوار ڕێکخراوی نێودەوڵەتیی مافی مرۆڤ لە نامەیەکدا بۆ ڤۆڵکەر تورک، کۆمیساریای باڵای مافەکانی مرۆڤی ڕێکخراوی نەتەوەکان، بە ئاماژەدان بە سێدارەدانەکانی بەکۆمەڵی هەفتەی ڕابردوو لە ئێران، داوایان لە ڕێکخراوی نەتەوە یەکگرتووەکان کرد کە میکانیزمێکی لێکۆڵینەوە دابمەزرێنێت بۆ لێپرسینەوە لە کۆماری ئیسلامی .

ئەم ڕێکخراوانە لە نامەکەیاندا پێداگریان کردووە لەوەی  کە کۆماری ئیسلامی بە گەورەترین جێبەجێکاری حوکمی ئێعدام لە جیهاندا ناسراوە.

باسیان لە لەسێدارەدانی ڕەزا ڕەسایی زیندانی سیاسی و لەسێدارەدانی گرووپی ٢٩ کەس لە ئێران کرد و ئاماژەیان بەوە کرد کە ئەم ژمارەیە لە سێدارەدان لە یەک ڕۆژدا ساڵانێکی زۆرە لە ئێراندا کەم وێنە بووە.

ڕۆژی چوارشەممە ١٧ی پووشپەڕ، لانیکەم ٢٩ زیندانی لە زیندانەکانی قەزڵحیسار و ناوەندی کەرەج بە کۆمەڵ هەڵواسران.

لە نێو ئەو کەسانەدا ٢٦ کەس لە زیندانی قەزاڵحەسار و سێ کەسیش لە زیندانی ناوەندیی کەرەج لەسێدارە دراون.

لە ١٩ی ئابدا ڤۆڵکەر تورک نیگەرانی خۆی لەمەڕ لەسێدارەدانی ئەو زیندانیانە دەربڕی و بە  مەترسیدارترین کردەوە ناوی برد.

سه‌رنج و كۆمێنت

كۆمێنت