كۆمەڵەى سينەماگەر و تەلەفزيۆنگەرێن كورد “كوسى كورد” لە ئانکارای پایتەختی تورکیە، بە بەشداری ئیسماعیل بێشکچی و بەمەبەستى يەكترناسينى ميدياكارانى كورد كە لە دەزگا و دامەزراوە ميدياييە جۆراوجۆرەكانى ئەو شارە كاردەكەن و خزمەت بە زمان و كەلتورى كوردى دەكەن، لە ڕۆژی جیهانی زمانی دایکیدا ئێوارە خوانيكى ڕێكخست.
لەو کۆبوونەوەدا سەرۆكى كوسى كورد ساڵح سولەيمانى وتەيەكى پێشكەشى ئامادەبوان كرد و خۆشحاڵى كۆمەڵەكەيانى لەهەمبەر كۆكردنەوەى ميدياكارانى كورد دەربرِى.
ميدياكارانى كورد بە بايەخەوە لەو چالاكيەيان ڕوانى و بەپێويستيان زانى چالاكى هاوشێوە لەلايەن كۆمەڵە و ڕێكخراوەكانى ديكەوە ئەنجامبدرێت.
جێى ئاماذەيە كوسى كورد نزيكەى 2 ساڵە لە ئەنقەرە دامەزراوە و چەندين چالاكى لەبوارەكانى فێركردنى زمانى كوردى و برەودان بە كەلتور و هونەرى كوردى پێشكەشكردووە.
