وتەبێژی وەزارەتی بەرگریی ئەمریکا دەڵێت جووڵەی هێزەکانی ئەمریکایی و جێگیرکردنی کەشتیی و هێزی سەربازیی زیاتر لە ڕۆژهەڵاتی ناوەڕاست ، هەڕەشەیەکی ڕاستەوخۆی ئەمریکا بوو لە ئێران ، بۆیەش ئێران بە پێداچوونەوە بە بڕیارەکانی هێرش بۆ سەر ئیسرائیل تا ئێستا بوێری نەبوو هێرش بکات .
سابرینا سینگ ، وتەبێژی پنتاگۆن ، لە کۆنفرانسێکی ڕۆژنامەوانیدا رۆژی پێنج شەممە یەکی خەرمانان ئاشکرای کرد ، سیاسەتی جووڵەپێکردنی هێزەکانمان لە ڕۆژهەڵاتی ناوەڕاست پەیامێکی روون بوو بۆ ئێرانییەکان و پێیان گوترا ئەگەر هێرش بکرێتە سەر ئیسرائیل ئەوا ئەمریکا ڕاستەوخۆ پشتیوانی لیدەکات و وڵامی هێرشەکانی ئێرانیش دەداتەوە .
ئەوە لە کاتێکدایە ،لە داوی کوشتنی ئیسماعیل هەنییەی سەرۆکی حەماس لە تاران ، رێبەریی باڵای ئێران هەڕەشەی لە ئیسرائیل کرد و داوای کرد هێرشیان بکرێتە سەر ، بەڵام وەک دەیبینن لە دوای جوڵەی هێزەکانی ئەمریکا ، ئێران بە پاساوی ئەوەیکە هیرشێکی بەبەرنامە دەکاتە سەر ئیسرائیل بەڵام تا ئیستا بوێری وڵامدانەوەی نەبووە و هێرشی نەکردووە .
