ڕۆژی كورد :
پشتیوانی “ناوهندی هاوكاری حیزبهكانی كوردستانی ئێران” و رێزدار “مستهفا هیجری” لێپرسراوی گشتی حیزبی دێمۆكراتی كوردستانی ئێران له خۆپیشاندانه جهماوهرییهكانی ڕۆژههڵاتی كوردستان بهرانبهر بهرزبوونهوهی نهرخی بهنزین و سووتهمهنی له پارێزگاكانی ئێران.
ههر وهك ئاگادارین له كۆتایی حهوتووی ڕابردوو به ڕاگهیاندنی ههواڵی بهرزبوونهوهی نهرخی بهنزین له تاران و پارێزگاكانی وڵاتی ئێران جهماوهرێكی زۆری ناڕازی به مهبهستی دهربڕینی ناڕهزایهتی خۆیان بهو بڕیاره هاتنه سهر شهقامهكان و به خۆپشیاندان و ڕاگرتنی ئۆتۆمبیلهكانیان له سهر جاده و شهقامهكان، ئیدانهی بارودۆخهكهیان كرد و ئهو بڕیارهیان به توندی مهحكووم كرد. هاوكات هێزه ئهمنیهتییهكان هاتنه سهر شهقامهكان و وهڵامی داواكارییهكانی خۆپیشاندهرانیان به بێڕێزی و تهقه لێكردن و هاویشتنی گازی فرمێسك ڕێژ دایهوه و له ئاكامدا تا ئێستا به پێی دوایین ههواڵهكان ژمارهیهكی بهرچاو كوژراو و بریندار له ههموو پارێزگا كوردنشینهكان به تایبهتی و پارێزگاكانی دیكهی ئێران به گشتی ههیه.
لهم پێوهندییهدا “ناوهندی هاوكاری حیزبهكانی كوردستانی ئێران” ئهم خۆپیشاندان و ناڕهزایهتییانه بهم بڕیاره درندانه و نامرۆڤایهتییه به تهواوهتی ڕهوا و بهرحهق دهزانێت و پشتیوانی لێدهكات و داواكاره له ههموو چین و توێژهكانی جهماوهری تا به چۆك داهێنانی دهسهڵاتدارانی ڕژیم بهردهوام بن و درێژه به ههڵویسته ژیر و وشیارانهكانیان بدهن.
ههر له پێوهندی بهم
بارودۆخهی ڕۆژههڵاتی كوردستان به تایبهتی و وڵاتی ئێران به گشتی له چهن
ڕۆژی ڕابردوو دا ڕیزدار “مستهفا هیجری” لێپرسراوی گشتی حیزبی دیموكراتی
كوردستانی ئێران له ڕاگهیهندراوێكی فهرمیی بهرانبهر به جهماوهر و
خۆپیشاندهرانی ڕۆژههڵاتی كوردستان پشتیوانی و هاوخهمی خۆی بهرانبهر دۆخهكه
دهربڕی و ناڕهزایهتییهكانی به مافی رهوا و بهرحهقی نهتهوهكانی بندهستی
ئێران ناوبرد و داوای له خۆپیشاندهران كرد له توند و تیژی خۆ بپارێزن و ههوڵ
بدهن به شێوازێكی ئاشتیخوازانه درێژه به خهبات و خۆپیشاندانهكانیان بدهن
بۆ ئهوهی بیانوو به دهست دهسهڵاتدارانی ڕژیمهوه نهدهن بۆ سهركۆتكردن و
بهكارهینانی زهبر و زۆری زیاتر بهرانبهر به خۆپیشاندهران و جهماوهری
ناڕازی.
شایانی باسه هاوكات له گهڵ ههموو پارت و لایهنهكانی كوردستانی ڕۆژههڵات
بزووتنهوهی سهربهخۆییخوازانی كوردستان هاوشان له گهڵ جهماوهری ناڕازی
كوردستان و ههموو نهتهوه بندهستهكانی ئێران پشتیوانی خۆی لهو خۆپیشاندانانه
دهردهبڕێت و دهنگی خۆی ئهخاته پاڵ دهنگی ههموو حیزبه كوردستانییهكان و جهماوهری
ناڕازی بۆ وهدستهێنانی مافه ڕهواكانی نهتهوهی كورد و سهرجهم نهتهوه ستهم
لێكراوهكانی ئێران.
له كۆتایی دا پێویسته ئاماژه بهوه بكرێت كه له ماوهی چهن ڕۆژی رابردوو دا
دیاسپۆرای كورد له تاراوگه له ههموو وڵاته ئهوروپیهكان به ڕێكخستنی
ئاكسیۆنهكانیان و كۆبوونهوه له بهر دهم بالوێزخانهكانی ڕژیمی ئێران لهو
وڵاتانهدا دهنگی خۆیان خستووهته پاڵ دهنگی خۆپیشاندهران و ئهو بڕیار و ههڵسووكهوتهی
رژێمی كۆنهپهرهستییان به توندی مهحكووم و شهرمهزار كردووه و كۆبوونهوه و
ڕێپێوانهكان هاوكات له زۆربهی وڵاتان بهردهوامه.
