پرۆفیسۆر عەلی قلیچ ، کەسایەتیی نەتەوەیی رووناکبیر ، سیاسەتوان و لێکۆڵەر لە بواری کورد ناسیی و مێژووی کورد لە وڵاتی فەڕەنسا کۆچی داوایی کرد .
پرۆفیسۆر ” عەلی قلیچ ” لە ساڵی 1945لە ناوچەی دێرسیمی باکووری کوردستان لە دایک بووە .
دکتۆرای فەلسەفەی لە فەڕەنسا وەرگرتووە ، جیالەوەی بە شێوەی زانستی شارەزایی لە هەموو زاراوەکانی کوردیدا هەبوو شارەزای زمانەکانی فەڕەنسی و ئینگلیزیی و تورکیش بوو .
دامەزرێنەی “ناوەندی لێکۆڵینەوەی زانستیی کوردستان “بوو لە فەڕەنسا ، لەو ناوەندە مێژووی کوردی ئەرشیڤ کردووە ، ئەو بەڵگانەش لە سەر مێژووی کورد و شۆڕشی کورد لە وەزارەتی دەرەوەی وڵاتاندا ئەرشیڤ کرابوون ، هەمووی وەرگێڕاوەتە سەرزمانی کوردی و تایبەتی کردوون بە ئەرشیڤی نەتەوەیی کورد .
تایبەت بە پەیمانی سیڤەر لێکۆڵینەوەی کردووە بە کەڵک وەرگرتن لە سەرچاوەکانی مێژوویی پەیماننامەکانی فەڕەنسا ، هەروەها نامەکانی سەید ڕەزا دێرسیمیی و عەلی شێری لە ئەرشیڤەکانی فەڕەنسا کۆپی کردووە بۆ ئەرشیڤی ناوەند .
پرۆفیسۆر عەلی قلیچ سەبارەت بە ژینۆ سایدی کوردان و ئەرمەن و ئاشوورییەکان بە دەستی تورکانی عوسمانی لێکۆڵینەوەی تایبەتیی ئەنجام داوە .
جێگەی ئاماژەیە بۆیەکەمجار وروژاندنی پرسی بەژینۆسایدکردنی هەڵەبجەی بردۆتە ناوەندە نێودەوڵەتییەکان و بە شێوەیی یاسایی کاری بۆ کردووە .
بەڵام بەداخەوە مەرگ مەودای زیاتری نەداو لە رۆژی 19/8/2024 لە وڵاتی فەڕەنسا کۆچی دوایی کرد و ئەمڕۆش لە ڕێوڕەسمێکدا لە لەلایەن دۆستان و کوردپەروەران هەر لەو وڵاتە بە خاک ئەسپێردرا .
ناو و یادی هەرمان بێت .
