ڕۆژی کورد: بەپێی هەواڵی وێبلاگی فەرمی هەڵۆکانی زاگرۆس، ئەو گرووپە چەکدارییە نهێنیە، شەوی ٢٦ی ڕەشەممەی ١٣٩٥ی هەتاوی، لە شاری مەریوان، ٣ تاوانباری دژی گەلیی تریان سزا داوە.
هەرچەند هەڵۆکانی زاگرۆس ناو و ناسنامەی ئەو سێ کەسەیان بڵاو نەکردۆتەوە بەڵام ڕایانگەیاندووە: شەوی ٢٦ی ڕەشەممەی ١٣٩٥ی هەتاوی، هەڵۆکانی زاگرۆس پۆلی مەریوان، بەمەبەستی سزادانی تاوانبارانی کۆماری ئیسلامی لەسەر سنووری مەریوان، پەلاماری ڕەوەیەک لە چەکدارەکانی کۆماری ئیسلامییان دا کە بەمەبەستی ڕاوەڕووت، تاڵان و کۆشتنی کاسبکار و کۆڵبەرەکانی ئەوسنوورە لە بۆسە و مڵومۆ دابوون .”
لە درێژەی هەواڵی هەڵۆکانی زاگرۆسدا هاتووە: “لە ئاکامی هەڵمەتی بوێرانەی هەڵۆکان،دوو چەکداری دژی گەلی، کوژران و یەکێکیش بە توندی بریندار بوو.”
هەڵۆکانی زاگرۆس پێشتر ڕایانگەیاندبوو، شەوی چوارشەممە ١٧ی ١٣٩٥ی هەتاوی، یەکێک لە نیشتمانفرۆشەکانی شاری سنە، بە هۆی خیانەت بە گەل و نیشتمان، سزا دراوە.
هەڵۆکانی زاگرۆس لەمبارەوە ڕایانگەیاندبوو کە “نەبی مەجیدیان”، خەڵکی شاری سنە، سەرەڕای چهند جار وریاکردنهوهی لهمهر دهستههڵگرتن له خۆفرۆشی و خهیانهت بهگهل و نیشتمان و بە هۆی بەردەوامبوونی لە ئازاردانی هاونیشتمانیان، لەلایەن هەڵۆکانی زاگرۆسەوە، سزا دراوە.
لە ماڵپەڕی فەرمیی هەڵۆکانی زاگرۆسدا لەمبارەوە هاتبوو کە؛ “ناوبراو “بهرنیر”ایهتیی دووههمی(جێگری گورووهی زهربهت)ـی ڕێژیمی له بانه پێ ئەسپێردرابوو”.
