سپای تیرۆریستیی پاسداران و پیلانگیێڕیەکانی لە کرماشان لە زاری شایەتحاڵانەوە

0
1575

ناوەندی ڕۆژی کورد بە مەبەستی ڕاگواستنی بێ لایەنگری و وەک خۆی و ڕوونی هەواڵەکانی تایبەت بە دەڤەری کاول بووی پارێزگای کرماشان، لە زاری سەرچاوەکانی ناوخۆ و وەک خۆی، چەندین هەواڵی بڵاو کردۆتەوە کە ئەمەش یەکێک لەو هەواڵانەیە.

ڕۆژی کورد: قەرارگای خاتەمولئەنبیا، سەر بەسپای تیرۆریستیی پاسداران رێژیمی ئاخوندیی ئێران لە شار و گوندە بوومەلەرزە لێدراوەکانی رۆژهەڵاتی کوردستان دەستی کردووە بە پیلانگێریەکی شووم و مەترسیدار دژ بە نەتەوەی کورد.

سپا دەستی کردووە بە دزی و تاڵان کردنی کەل و پەلەکانی کە لە لایەن خەڵکی شارەکانی تری رۆژهەڵات ڕەوانە کراون.

چەند شایەد حاڵێک لە سەرپێڵی زەهاوەوە بەم جۆرەی باس لە کردوە قێزەون و ناپەسەند و دژە مرۆییەکانی سپای تیرۆریستی رێژیم دەکات.

قەرارگای نگریسی خاتەمولئەنبیای سپای تیرۆریستیی پاسداران، لە شارەبوومەلەرزە لێدراوەکانی رۆژهەڵاتی کوردستان لەوانە: سەرپێڵ و قەسرێ شیرین و سەلاس و داڵاهۆ و گەیلانی رۆژئاوا و نەوت شار و ئەزگەلێ و ئاوەییەکان خەریکە پووڵ و رێز و کەل و پەلی بەنرخ کە کەوتوونەتە ژێر خانوو و ناو دووکانە ڕووخاوە کان دەدزن و وەک دەستکەوتی جەنگی بە حەڵالیان دەزانی و بۆ خۆیانی هەڵدەگرن.

ئەوان کەلووپەلی ناو ئەنبار و دوکانی خەڵک تاڵان دەکەن و کەل و پەلەکانیان بە سەیارەی تایبەتی سپای پاسداران دەگوازنەوە بۆ مۆڵگەکانی خۆیان.

خەڵکانێک بە زۆر پەلکێش دەکەن کە روو بە میدیاکانی رێژیم بڵێن سپاس بۆ رێژیم بۆ هاوکاری کانیان و مەدح و وەسفی دەزگا سەرکوتکەر کان بە تایبەتی سپا بکەن.

هەندێک لە سەرچاوە نافەرمییەکان باس لە دەستدرێژیی چەند ئەفسەرێکی سپای تیرۆریستیی پاسداران بۆ سەر کچێکی ١٢ ساڵانەی کورد دەکەن و دەگوترێ بە تەزووی کارەبایی و باتووم و کابڵ لە خەڵکی ناڕازی دەدەن کە چەند ڤیدیۆیەکیش کە بە ناوەندی ڕۆژی کورد گەیشتووە و لە فەیسبووکی ڕەسمیی ئەو ناوەندە بڵاو بوونەتەوە، ئەو ڕاستیە دەردەخەن.

ئەندامانی سپای تیرۆریستیی پاسدارانی ئێران، هەر کەس ڕەخنە یان گلەیی هەبێ دەیبەستنەوە بە پیسترین شێوە ئەشکەنجە ی دەدەن و ناهێڵن یارمەتیەکان بگاتە ئاوایی و شارۆچکە و گوندە دوورە دەستەکان و ڕێگری دەکەن لە چوونی تیمە پزیشکیە خۆبەخش و چالاکانی مەدەنی شارەکانی تری رۆژهەڵات.

کەلوپەل و هاوکاریەکانی شارەکانی تری رۆژهەڵات دەدزن و پاشان بە کیسەی تایبەتی خۆیان جێ گۆڕکێیان پێ دەکەن بە ناوی دەزگاکانی رێژم بە سەر خەڵک دا بە ڕێژەیەکی کەم و دڵخواز و بە فەرق و جیاوازییەوە دابەشی دەکەن.

هەروەها جیاوازی دەخەنە ناو کوردان بە بیانۆی یارسانی و شیعە و سونەوە و یارسان و ئەهلی حەقەوە و کەمترین کەلوپەلەکان بۆ ئەو ناوچانە بەڕێکراون.

لە هەمان کاتیشدا ئیزن نادەن بریندارەکان تیماری تەواویان بۆ بکرێت و دەرمان دەدزن و هەڕەشە لە پزیشکان دەکەن و لە جیاتی تیمە کانی مانگی سوور و خاچی سوور و کۆمیتەی ئیمداد و پزیشکانی بێ سنوور، ئاخوند و مەلا و رەوزەخوێنیان ناردووە.

لە ئێستادا، سپای تیرۆریستیی پ اسدارانی ئێران لە نێوان هەموو گوند و گوند و تا شارە بوومەلەرزە لێدراوەکان بازگەیە نیزامیان داناوە و پریان کردوون لە پاسدار و هێزی سەرکوتکەر و تەنیا ماڵە دەوڵەتی و سپایەکان لە خزمەتگوزاریەکان و کەلوپەل و هاوکارەکانی خەڵک بەشدار دەبن.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.