ڕۆژی کورد: لە حاڵێکدا کە بڕیارە کۆماری ئیسلامی و سعودیە لەسەر پرسی حەجی داهاتوو پێکەوە دانیشتن بکەن، کێشەکانی نێوان ئەو دوو ولاتە بە لێدوانی فەرماندەیەکی سپا لەمەڕ داخستنی کۆنسوولگەریی سعوودیە لە هەرێمی کوردستانی باشوور و هەروەها دەست نیشانکرانی باڵوێزی نوێی کۆماری ئیسلامی لە عێراق قووڵتر دەبنەوە.
سامر سەبهان وەزیری کاروباری کەنداو لە وەزارەتی دەرەوەی سعودیە و باڵوێزی پێشووی سعودیە لە عێراق ڕایگەیاندووە باڵیۆزی نوێی ئێران لە عێراق ” تاوانبارى شەڕە و لەسەر ئاستی نێودەوڵەتی داواکراوە”.
سەبهان ڕۆژی دووشەممە ٢٧ی بەفرانباری ١٣٩٥ی هەتاوی، لە تویتێکدا نووسیویەتی” ئێران تاوانباری شەڕ و داواکراوێکی کردووە بە باڵیۆزی وڵاتەکەیان لە عێراق بەڵام داوادەکەن کونسوڵخانەی سعودیە لە هەولێر دابخرێت”.
سەبهان ڕایگەیاند ” لەوبارەیەوە گوێبیستی هیچ ڕونکردنەوەیەکی عێراقیەکان نەبووین! سەروەریەکی ڕاستەقینەی گشتگیر هەیە “.
لە چەنەد ڕۆژی ڕابردوودا، کۆماری ئیسلامی، ئیرەج مەسجدی، ڕاوێژکاری باڵای قاسم سلێمانی، بەرپرسی سەرەکیی سپای تیرۆریستیی قودس، وەک باڵوێزی ئێران لە عێراق هەڵبژێردرا.
ماڵپەڕی “ئینتخاب” کە لە موحسێن ڕەزایی، یەکێک لە فەرماندە باڵاکانی سپای تیرپریستیی پاسداران و سکرتێری کۆمەڵەی بەرژەوەندییەکانی ڕژیم، یەکێک لەو ماڵپەڕانەیە کە ئەو هەواڵەی بڵاو کردۆتەوە.
پۆستی باڵوێزی ئێران لە عێراق بە هۆی ستراتژیک بوونی عێراق، یەکێک لە پۆستە هەستیارەکانە بۆ کۆماری ئیسلامیی ئێران.
ئیرەج مەسجدی، پلەی سەرتیپی لە سپای تیرۆریستیی پاسداران ـدا هەیە و لە میدیاکانی ئێران، وەک ڕاوێژکاری باڵای قاسم سلێمانی خراوەتە بەر باس.
