ڕۆژی کورد: جەمشید فەرەجوەند، وێنەگری کوردی خەڵکی باژێڕ ی بیجاڕ لە کوردستانی خۆرهەڵات، خەڵاتی زێڕینی فێستیڤاڵی ” فیاپ”ـی بۆخۆی مسۆگەر کرد.
فیاپ تەنیا دامەزراوەیەکی نێونەتەوەیی لە بواری وێنەگری ـیە کە لەلایەن ڕێکخراوی یوونسکۆ UNESCOـوە بە فەرمی ناسراوە.
لە فستیڤاڵی ٢٠١٦ی “فیاپ”دا، ١٩٨٥وێنەگر لە ٧٨ وڵاتی جیهان بەشدار بوون و زیاتر لە ٢٢ هەزار و ٩٥٠ بەرهەمی وێنەگری خرایە بەر دیدەی بەشداربووان و بینەران.
فیاپ فێدراسیونی نێونەتەوەیی هونەری وێنەگری، ساڵی ١٩٤٦ی زایینی لەلایەن دوکتور وان دی ویجرـی بلژیکیەوە دامەزراوە و یەکەمین کۆنگرەی خۆی، ساڵی ١٩٥٠ی زایینی لە شاری بێرن ـی سوویس، بە بەشداریی ١٠ نوێنەر لە وڵاتانی جیهان بەڕێوە برد.
جەمشید فەرەجوەند ساڵی ١٣٤٠ی هەتاوی لە شاری “بیجاڕ”ی سەربە پارێزگای سنە لەدایک بووە و لە بواری گرافیکدا بڕوانامەی کارناسیی زانکۆی هونەری تارانی وەرگرتووە و زیاتر لە ٢٥ ساڵە خەریکی کاری وێنەگرییە و تا ئێستاش چەند جار لەسەر ئاستی ئێران، خەڵاتی وەرگرتووە.
فەرەجوەند، لە ١٥٢ فێستیڤاڵی نێوخۆیی و دەرەوەی ئێراندا، سەرکەوتنی وەدەست هێناوە و بەر لە فستیڤاڵی “فیاپ”، لە فێستیڤاڵی “شەمیمی بەهار”ی ساڵی ١٣٩٢ی هەتاوی لە نێوان ٦ هەزار و ٨٠٠ بەرهەمدا پلەی یەکەمی وەدەست هێنا.
چەند بەرهەمیک لەو هونەرمەندە بەتوانا کوردە:
