رۆژی كورد :
وهزیری بهرگری ئیسرائیل باس لهوه دهكات كه وڵاتهكهی له گهڵ بهرپرسانی ویلایهته یهكگرتووهكان سهبارهت به بهربهرهكانی و ڕووبهڕووبوونهوه له گهڵ دهستێوهردانی ڕژیمی ئێران و ئامادهبوونی هێزهكانیان و هاوپهیمانهكانیان له ناوچهكه به ڕێككهوتنێكی هاوبهش بۆ دابهش كردنی ئهرك و بهرپرسایهتییهكان گهیشتوون.
به
پێی وتهكانی “نهفتالی بێنێت” وهزیری
بهرگری ئیسرائیل، دهولهتی ئامریكا له ناوچه ژێر چاوهدێرییهكانی خۆی له بهرانبهر
عێراق و ئێران و هێزه جێگرهكانیان بهرهنگاری و بهربهرهكانێ دهكات و
ئیسرائیل ههروا بهردهوام له سووریه ئامانج و بهرژهوهندییهكانی ئێران و
هاوپهیمانهكانی ئێران له وڵاته ئهكاته دهرئهنجامی زهبر لێدان و پێداكیشان.
ناوبراو ئهڵێت : ڕێككهوتنی دابهش كردنی ئهرك و بهرپرسایهتییهكان حهوتووی
ڕابردوو له ڕهوتی وتووێژ و دانووستانهكانی ناوبراو له گهڵ “مارك ئێسپێر”، وهزیری بهرگری ویلایهته یهكگرتووهكانی
ئامریكا له سهفهری ناوبراو بۆ واشنتۆن به ئهنجام گهیشتووه.
به پێی وتهكانی ناوبراو ئامانجی سهرهكی ئیسرائیل و ئامریكا بهرگری له
درووستكردنی داڵان یان ڕیگایهكی گواستنهوهی چهك و چۆڵ و تهقهمهنی و كهرهستهی
سهربازی له ئێران و له ڕیگای وڵاتانی عێراق و سووریه تا كهنارهكانی دهریای مهدیتهرانه
له ولاتی لۆبنان دهبێت. وهزیری بهرگری ئیسرائیل هاوكات باس لهوهش دهكات كه
له بهرانبهر گواستنهوهی ههر كاروانێك له كهرهستهی سهربازی و چهك و چۆڵ
كه ئیسرائیل ئاگاداری بێت، هێرش دهكاته سهر ئهو كاروانه و ڕێگری دهكات له
گهیشتنه شوێنی مهبهستی و له ئێستادا ۵ كاروانی دیكهی چهك و تهقهمهنی له پڕۆسهی گواستنهوهی ڕژیمی ئێران
و گرووپی تێرۆریستی حێزبۆڵڵا دا ههیه كه ئیسرائیل ڕێگا نادات به دهرئهنجام
بگات و به سهركهوتوویی جێبهجێ بكرێت.
