لە یادی کۆچی ئەستێرەیەکی شیعر و ئەدەب موحەممەد شیخوالئیسلامی موکری ناسراو بە هیمن 

٣٦ ساڵ بەسەر کۆچی دوایی مامۆستا هێمن شاعیری گەورەی کورددا تێپەڕ دەبێت
محەممەدئەمین شێخولئیسلامی موکری، بەھاری ساڵی ١٩٢١ لە گوندی لاچینی مەھاباد لەدایک بووە.
مامۆستا هێمن سه‌ره‌تای خوێندنی له‌لای مامۆستا سه‌عید ناكام ده‌ست پێكردووه، ئینجا باوكی ناردوویه‌تی بۆ شاری مه‌هاباد و له قوتابخانه‌ی “سه‌عاده‌ت” کە تا پۆلی چوارهمی خوێندووە و دوای دەستی کرد بە خوێندنی مه‌لایه‌تی له خانه‌قای شێخ بورهان و چوار ساڵیش له‌و خانه‌قایه‌ لەگەڵ مامۆستا هەژار خوێندووه و له ته‌مه‌نی 17 ساڵیدا ده‌ستی له خوێندن هه‌ڵگرتووه و بووه‌ته لاوێكی خوێنده‌واری هۆشیار و له‌ وێژه‌ی كوردی و لە فارسیشدا شاره‌زایه‌كی باشی هەبوو
له سا‌ڵی 1941ه‌وه ده‌ستی به‌ هۆنینه‌وه‌ی شیعر كردوو و وەک خۆی دەڵێت ‌سه‌ره‌تا لاسایی شاعیره كانی پێش خۆی كردووەته‌وه و له دواییشدا بووته خاوه‌نی ڕێچکە و ده‌نگی تایبه‌تیی خۆی
لە 1942.09.16دا له‌گه‌ڵ دروستبوونی كۆمه‌ڵه‌ی “ژ.ك” له بووه‌ته ئه‌ندامی ئه‌و ڕێكخراوه سیاسییەی كورد
له 1945.08.16 بووه ئه‌ندامی حزبی دیموكراتی كوردستان و شیعر و وتاری به‌نرخی نه‌ته‌وه‌یەکانی لە ڕۆژنامەی کوردستان بڵاو ده‌كراوە.
لە سەردەمی كۆماری كوردستان لەلایەن پێشه‌وای مەزن قازی موحەممەد نازناوی (شاعیری گەل) مامۆستا هێمن پێ بەخشرا.
دوای کۆماری کوردستان لە باشووری کوردستان و لە هەولێر و سلێمانی، هاوکات لە بەغدا ژیاواو و پێوەندییەکی چڕوپڕی لەگەڵ نووسەران و ڕۆشنبیرانی کورد و کۆڕی زانیاریی کورددا هەبووە کە دووری لە زەید و غەریبی بۆ ڕۆژهەڵات کاریگەریی زۆری لەسەرهەزری هەبوو کە شیعری بەناوبانگی (ناڵەی جودایی)خولقاند.
دوای ڕووخانی ڕژیمی پاشایەتی مامۆستا هێمن گه‌ڕایه‌وه گونده‌كه‌ی خۆی کاری جووتیاری دەکرد و ماوه‌یه‌كیش له مه‌هاباد ژیا.
مامۆستا هیمن وازی لە کاری سیاسی دەهێنی دوای گەرانەوەی و شێوەی خەباتی خۆی بە نووسینی شێعر و وتار بابەت بۆ دامەزراندنی گوڤار پەرەپێ دا
لە ساڵی ١٩٨٣ ناوندی چاپ و بڵاوکردنەوەی سەلاحەدینی ئەیوبی لە شاری ورمێ دامەزراند.
لە ساڵی ١٩٨٥ بەهاوکاری چەندین مامۆستا و نووسەری کە گۆڤاری (سروه‌)ی لە ورمێ ده‌رکرد.
بەرهەمەکانی
١- دیوانی هێمن
٢- بارگەی یاران
٣- تاریکو ڕوون (شێعر وپەخشان)١٩٧٤
٤- پاشەرۆک ( شێعر وپەخشان)
٥- توحفی موزەففەرییە (فۆلکلۆرئ کوردی کەکاری ئۆسکارمانە کە مامۆستا هێمن وەریگێراوەتەوە سەر زمانی کوردی)
٦- شازادەو گدا
٧- قەڵای دەمدەم
٨- هەواری خاڵی
٩- چەپکێ گوڵ،چەپکێ نەرگز
١٠ ئەفسانە کوردیەکان (کاری قەنات کۆردۆ کە مامۆستا هێمن وەریگێراوەتەوە سەر زمانی کوردی
شیعرەکانی مامۆستا هێمن پر لە هەزری بەرزی نەتەوەیی، ئازادی و سەربەستی نیشتمان و پرسی ژنان کە کارتێکەری لە سەر کۆمەڵگا وشیاری بونەوەیان لە سەر هەزری نەتەوەی و سەربەستی وەک وانەیەک بۆ وەفا بە نیشتمان لە ڕابردوو و داهاتووشە
پاش تەمەنێک خەبات و خزمەت بە زمان و ئەدەبی کوردی، له ٢٨ی خاکەلێوەی ١٣٦٥ی هەتاوی (17ی ئاوریلی 1986ی زایینی) لە شاری ورمێ كۆچی دوایی كرد و لە گۆڕستانی هونەرمەندانی مەهاباد بە خاک سپێردرا.
دوای چەند ساڵێک لە کۆچی لە ماڵەکەی لە شاری مەهاباد کرایە مۆزەخانە بە ناوی هێمن موکریانی کە یەکی لە گرنگترین مۆزەخانەکانی ڕۆژهەڵاتی کوردستانە

سۆژین موحەممەدی

سه‌رنج و كۆمێنت

كۆمێنت