ڕۆژی کورد: بەپێی زانیارییەکانی ناوەندی ڕۆژی کورد، کۆڕی پەردە لادان لە سەر پەیکەری شاعیری ناسک خەیاڵی کورد “ئەحمەد بەگی کۆماسی” ناسراو بە “خاڵۆی کۆماسی” ئەمڕۆ هەینی ٢٨ی خەزەڵوەری ١٣٩٥ی هەتاوی لە لایەن ئەنجومەنی فەرهەنگی ئەدەبیی مەریوان و شۆراو شارەداری مەریوان بەڕێوە چوو.
ئەو پەیکەرە، بەرهەمی هونەرمەندی کورد، پەیکەرتاش سەلاح حەسەنی ـیە.
ئەو ڕێوڕەسمە بە بەشداریی بەرچاوی چین و توێژەکانی خەڵکی فەرهەنگ دۆستی مەریوان بەڕێوە چوو.
بەپێی زانیارییەکانی ناوەندی ڕۆژی کورد، لەو کۆڕەدا سەرەتا پەییامی ئەنجومەنی فەرهەنگی ئەدەبیی مەریوان لەلایەن فاتێح مستەفایی ـەوە خوێندرایەوە.
هەروەها پەخشانێک لە لایەن هەر کام لە عابد حسەینی، محەممەد سدیق کەریمی و وتارێک لە لایەن ئیسماعیل ئەمینی و پارچە هۆنراوەیەکیش لە لایەن ئەحمەد بەهرامییەوە خوێندرایەوە.
دوابەدوای وتەکانی سۆران حسێنی، ئەندامی شۆڕای شاری مەریوان، ڕێز لە هونەرمەندی پەیکەرتاشی کورد، سەلاح حەسەنی گیرا.
پەردەلادانی سەر پەیکەرەی شاعیر “ئەحمەد بەگی کۆماسی” لەلایەن ئەنوەر ڕەوشەن، کەماڵ خاوەری، دوکتور ئیسماییل مەحموودی، محەممەد نەسیمی و سەلاح حەسەنی ئەنجام درا.
