ڕۆژی کورد: بەپێی هەواڵی ههەواڵدەریی ژینگەوان، بە شێوەیەکی گۆماناوی ئاگر لە “دووکان” و تاکە شۆێنی کەسب و کاری چالاکی ژینگەپارێزیی شاری مەریوان بەردرا.
شەوی ڕابردوو ۱۳ی سەرماوزی 1395ی هەتاوی، بە شێوەیەکی دوور لە ئەخڵاقی مرۆڤانە، ئاگر لە دووکانی شەریف باجوەر چالاکی ژینگەپارێزیی شاری مەریوان و ئەندامی نجۆمەنی سەوزی چیا بەردرا.
تا ئێستا ناوندە پیوندیدارەکانی مەریوان هیچ چەشنە بەدواداچوونێکیان بۆ ئەو ڕووداوە نەکردووە و هیچ کەسیش لەم پێناوەدا دەستبەسەر نەکراوە، هەر ئەو کەمتەرخەمی و بێدەنگییەش گومانی ئەوە زیاتر دەکات کە دەستی خودی سیخوڕ و پیاوە خۆفرۆشەکانی ڕژیمی تێدابێ.
شەریف باجوەر بەرپرسی کۆمیتەی بەرنگاریی ئاگرکەوتنەوەکان لە ئەنجۆمەنی سەوزی چیایە کە زۆربەی کاتی خۆی تەرخانی کاروباری ژینگەپارێزی و مڕۆڤدۆستی کردووە و تاکە شۆێنی دابین کردنی بژێوی ژیانی خۆی و بنەماڵەکەی ئەم دووکانە بووە.
لە ماوەی ڕابردوودا، شەریف باجوەر لە هەڵوێستێکی هێماییدا بە مەبەستی ناڕەزایەتی دەربڕین بە کوشتنی دایک و چەند بێچووی سەگێک، ڕێگای نێوان مەریوان و سەلاسی باوەجانی بە پێیان بڕی کە لەم چالاکییە مەدەنییەشدا لەلایەن هێزەکانی حکومەتەوە بۆ ماوەی دوو ڕۆژ دەسبەسەر کرا.
چالاکێکی مەدەنیی مەریوانی لەمبارەوە لە لێدوانێک بۆ هەواڵدەریی ژینگەپارێزیی “ژینگەوان” گوتوویەتی: “بە سەرنجدان بەو ڕاستییە کە پێشتریش پیاوانی ڕژیم و سیخوڕ و جاشەکان، بە پیلانی ڕژیم و بە مەبەستی چاوترسێن کردن، کاری لەم شێوەیان بە دژی کەسانی نیشتمانپەروەر ئەنجام داوە و بە سەرنجدان بە گوێ پێنەدان و بێ هەڵوێستیی بەپرسانی ئەو شارە هەر لە پێش نوێژی ڕژیم لە مەریوان کە دژ بە شەریف باجوەر لێدوانی دابوو، تا شۆڕا و شارەوان و ئیتلاعاتی ئەو شارە، ئەگەری یەکجار زۆر و جێگای دڵنیایی هەیە کە ئەو کارە لەلایەن ڕژیم و بۆ تۆڵەئەستاندنەوە و چاوترسێن کردنی ئەو چالاکە کوردی ئەنجام دراوە.
