كاتژمێر ٤ی ئێوارهی ڕۆژی پێنج شهممه ١٢ی سهرماوهزی ١٣٩٤ی ههتاوی شهونم عهبدوڵڵازاده كچی عهزیز له شهقامی مودهڕسی ورمێ له لایهن كهسێكی نهناسراوهوه به زهبری چهقۆ كوژرا .
به وتهی كهسوكاری شهونم ، كچهكهیان له شهقامی مودهڕسی ورمێ له دووكانێكی وێنهگری كاری كردووه و له لایهن كوڕێكی گهنجهوه هێرشی كراوهته سهر و به زهبری چهقۆ كوشتوویهتی .
پاش چاولێكردنهوه له فیلمی كامێرای چاوهدێری دهركهوتووه كه قاتڵ كوڕێكی گهنجه و پاش ئهنجام دانی كردهوهكه ڕای كردووه .
عهزیز عهبدوڵڵا زاده باوكی شهونم له فهرههنگیهكانی شاری شنۆیه كه پاش خانهنشین كران بۆته دانیشتووی ورمێ ، لێكۆڵینهوهی پۆلیس بۆ ناسین و دهستبهسهركردنی قاتڵ درێژهی ههیه .
