سەرۆک کۆماری ئێران داوای کردووە ناوەندەکانی ئیسرائیل لە هەرێمی کوردستان و ئازەربایجان بکرێنە ئامانجی مووشەکی

ڕۆژنامەی تەلەگراف بە پشتبەستن بە سەرچاوەیەکی باوەڕپێکراو نزیک لە مەسعوود پزشکیان سەرۆک کۆماری ئێران ئاشکرای دەکات ، داوای لە  سپای پاسداران کردووە هێرشی مووشەکی بکرێتە سەر ناوەندەکانی ئیسرائیل لە هەرێمی باشووری کوردستان و وڵاتی ئازەربایجان .

وەک تەلەگراف ئاماژەی پێداوە ، لەدوای سوور بوونی فەرماندەباڵاکانی سپای پاسداران بۆ هێرشکردنە سەر ئیسرائیل پزشکیان بە لەبەرچاوگرتنی هەڕەشەکانی ئەمریکا ڕایگەیاندووە  ، بۆ ڕاگرتنی ئابڕووی دەسەڵات لە کاتێکدا هێرش بۆ سەر ئیسرائیل دەبێتە هۆی مەترسیی لە ناوچوونمان واباشترە وەک ساڵانی ڕابردوو هێرش بکرێتە سەر ناوەندەکانی ئیسرائیل لە هەرێمی کوردستان و ئازەربایجان بەڵام وا باشترە پێش هەر هێرشێک ئازەربایجان و هەرێمی کوردستان ئاگادار بکرێنەوە .

سه‌رنج و كۆمێنت

كۆمێنت