سەربەخۆییخوازانی کوردستانی ڕۆژهەڵات، بە مەبەستی یەکڕیزیی حیزبەکان و نیشتمانەروەران، چەند گەڵاڵەیەکیان خستە ڕوو

0
545

هاوکات لەگەڵ نارەزایەتییە بەربەرینەکانی ناو ئێران و کوردستانی ڕۆژهەڵات، سەربەخۆییخوازانی کوردستانی ڕۆژهەڵات، بە مەبەستی یەکڕیزیی حیزبەکان و نیشتمانەروەران، چەند گەڵاڵەیەکیان خستە ڕوو.

ڕۆژی کورد: کۆمەڵێک لە سەربەخۆییخوازانی کوردستانی ڕٶژهەڵات لە ژێر ناوی “تۆڕی سەربەخۆییخوازان”، گەڵاڵەیەکیان بۆ کوردانی سەربەخۆییخوازی نیشتەجێی دەرەوەی وڵات پێشنیار کردووە.

لە بەشێک لەو گەڵاڵەیەدا هاتووە، “بە سەرنجدان بە ناتەبایی سەرکردایەتیی حیزبەکان لە ژێر هەر پاساوێک کە دەبێ ئیتر بۆمان گرنگ نەبێت، تۆڕی سەربەخۆییخوازان پێشنیارێکی کردەیی دەخاتە بەر دەستی یەکڕیزیخوازانی ڕۆژهەڵاتی کوردستان لە هەر شوێنێکی ئەم جیهانە بن، جگە لە ناوخۆی ڕۆژهەڵات کە خۆیان یەکڕیزتر لە هەموومان لەناو جەرگەی ئاگر و خەبات دان.”

دەقی گەڵاڵەکە کە بۆ ناوەندی ڕۆژی کورد بەڕێکراوە بەو شێوەی خوارەوەیە:

پێشنیارێکی کردەیی بۆ سەرجەم یەکڕیزیخوازان: بەدەنەی یەکڕیزیخوازیی حیزبەکان و نیشتمانپەروەرانی غەیرەحزبی

لە وەها دۆخێکدا کە یەکڕیزی و یەک هەڵوێستی و یەکدەنگی، تاکە حەوجێی بەرەوپێش بردنی ڕێک و ڕاستیی ڕەوتی بزاڤی دژەدیکتاتۆریی ڕۆژهەڵاتی کوردستان هاوکات لەگەڵ بزاڤی گەلانی ئێرانە، بە سەرنجدان بە ناتەبایی سەرکردایەتیی حیزبەکان لە ژێر هەر پاساوێک کە دەبێ ئیتر بۆمان گرنگ نەبێت، تۆڕی سەربەخۆییخوازان پێشنیارێکی کردەیی دەخاتە بەر دەستی یەکڕیزیخوازانی ڕۆژهەڵاتی کوردستان لە هەر شوێنێکی ئەم جیهانە بن، جگە لە ناوخۆی ڕۆژهەڵات کە خۆیان یەکڕیزتر لە هەموومان لەناو جەرگەی ئاگر و خەبات دان.

ناوەندی هەموو ئەو وڵاتانەی کە کوردی ڕۆژهەڵات لەوێدا نیشتەجێن وەک خاڵی لێک گرێدرانی ئەم تۆڕە دەستنیشان بکرێن. چۆن؟

  1. شوێنێکی دیاریکراو لە ناوەندی هەموو وڵاتان دیاری بکرێن بۆ ئەوەی لە کاتێکی دیاریکراودا هەموو یەکڕیزیخوازانی ڕۆژهەڵاتی کوردستان، لەو کات و شوێنەدا بە یەک بگەنەوە و ئەوانەش کە بە هەر هۆکارێکی وەک دووری یان هەر ئەگەرێکی تر نەتوانن ئامادە بن، بە ئواژۆ بەشداریی خۆیان لەو میتینگە یەکڕیزیخوازانەیەدا ڕابگەیەنن. لیستێک لە ناو و واژۆی هەموان ئامادە بکرێت کە بگەیەندرێتە ناوەندی تۆڕی سەربەخۆییخوازان.
  2. لەو میتینگەدا، گرنگترینی ئەو خواست و خاڵانەی کە بەلای بەشداربووانی میتینگی هەرکام لە وڵاتانەوە کە لەسەریان ڕێک کەوتوون تۆمار بکرێن و لەلایەن نوێنەرێکی خۆیانەوە بگەیەندرێتە ناوەندی تۆڕی سەربەخۆییخوازان.
  3. لە ڕێگەی تۆڕی سەربەخۆییخوازانەوە هەوڵ دەدرێت یەکڕیزیخوازانی هەر کام لە وڵاتان بۆ ئەوەی بتوانن پەیوەندیی بەردەوام و ڕاستەوخۆیان لەگەڵ یەکتری هەبێت، لە نووسینگەیەکی مەجازیدا کۆبکرێنەوە.
    4. نوێنەرانی هەرکام لە وڵاتان دەبنە بەڕێوەبەری نووسینگەئ مەجازیی وڵاتەکەیان کە لێی نیشتەجێن.
  4. ژوورێکی گوتوبێژ و پلان داڕێژی (ژووری هزر) تۆکمە لە کۆی نوێنەرانی ئەندامانی هەموو وڵاتان پێک دەهێندرێت.
  5. یەکڕیزی و یەک هەڵوێستی لە پێناو خەون و خواست و حەوجێییەکانی کورد لە ڕۆژهەڵاتی کوردستان، سەرەکیترین پێودانگی هەنگاونان بەرەو ڕەوتی سەربەخۆییخوازی دەبێت.

مەسنجەری پەیجی تۆڕی سەربەخۆییخوازان بۆ هەر چەشنە پەیوەندییەک کراوەیە.

بەڵێ بۆ یەکڕیزیی نەتەوەیی

تۆڕی سەربەخۆییخوازان

03.01.2018

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.