ڕۆژی کورد: سروە عەبدولواحید، ئەندام پارلمانی فراکسیۆنی گۆڕان لە ئەنجوومەنی نوێنەرانی عێراق لە بەرنامەیەکی تەلەفزیۆنیی کاناڵی دیجلە بەناوی “بەڕاشکاوی” بە زمانی عەرەبی، ژنی پێشمەرگە شەهیدەکانی بە لەشفرۆشی تاوانبار کرد و گوتی: ” خێزانی پێشمەرگە شەهیدەکان لەکوردستان خەریکی لەشفرۆشین”.
سروە عەبدولواحید لەو لێدوانەدا، وێڕای ئەوەی کە پشتگیری لە هێزی پێشمەرگە وەک هێزێکی نیشتمانی دەکا و باس لە دەوری پێشمەرگە لە نەمان و ڕووخاندنی ڕژیمێکی داگیرکەری وەک سەدام حسێن دەکا و لە وڵامی پێشکەشکارەکەدا کە دەڵێ پێشمەرگە کە هێزی بارزانیە و تەنیا کوردستانی پاراستووە نەک عێراق، دەڵێ نا هێزی پێشمەرگە هەموو عێراقی پاراستووە، بەڵام لە بەشێک لە دیمانەکەیدا دەڵێ ژنی پێشمەرگە هەیە کە پارەی نیە قوتی شیرێک بۆ منداڵەکەی بکڕی و هەشە کە ژنی شەهید بە هۆی دەست کورتییەوە لەشفرۆشی دەکەن
ئەو لیدوانەی سروە عەبدولواحید، ناڕەزایەتیی پارلمانتارێکی فراکسیۆنی یەکێتیی نیشتمانیی کوردستانی لێکەوتەوە و قسەکەی بە بێ بنەما لە قەڵەم دا.
قادر عوسمان، پارلمانتاری فراکسیۆنی یەکیەتیی نیشتمانی لە لێژنەی پێشمەرگەی پارلمانی کوردستان لەو بارەوە دەڵێ: “یەکجار شەرمیکی گەورەیە، پارلمانتاری گۆران ژنە شەهیدان بە لەشفرۆش بانگ بکا”
ئەو ئەندام پارلمانە هەروەها گوتیشی: “سروە عەبدولواحید دەبێ ئەوە بسەلمێنێ کە باسی کردووە، گوتنی شتێکی ئەوتۆ ئەویش لەسەر تەلفزیۆنان، شەرمیکی گەورەی”.
هەروەها ئەمڕۆ پێنجشەممە١٨ی سەرماوەزی ١٣٩٥ی هەتاوی، فراكسیۆنی پارتی لە پەرلەمانی كوردستان لە ڕاگەیەنراوێكدا بڵاویكردەوە كە سكاڵای یاسایی لەسەر سروە عەبدولواحید پەرلەمانتاری گۆڕان لەپەرلەمانی عێراق، تۆماردەكاتو ڤیدیۆی دەنگی بەرنامەكە پێشكەشی داواكاری گشتی دەكات.
لە راگەیەنراوەكەی فراكسیۆنی پارتیدا هاتوە “لەیەكێك لە كەناڵە عەرەبییەكان پەرلەمانتارێكی بزوتنەوەی گۆڕان لە پەرلەمانی عێراق بە ناوی سروە عەبدولواحید دور لەهەمو ئاكارێكی نیشتمانی، سوكایەتی بە خێزانی سەربەرزی شەهیدان كوردستان كردو بە چەند رستەیەكی قێزەون داوای دەكرد حكومەتی ئیتیحادی حكومەتی هەرێم سزا بدات”.
له ژێرهوه دهتوانن چاوپێكهوتنه تهلهفزیۆنیهكهی سروه عهبدولواحید ببینن
