ڕۆژی کورد: بە هۆی هاتنە ئارای دوو تەقینەوە لە میترۆی سەن پترزبورگی ڕووسیە، ئەمڕۆ دوو شەممە ١٤ی خاکەلێوەی ١٣٩٦ی هەتاوی، لانیکەم ١٠ کەس کوژراون و ٥٠ کەسیش بریندار بوون.
ڕۆیتێرز لەمبارەوە بڵاوی کردۆتەوە کە ئەو دوو تەقینەوەیە لە دوو وێستگەی میترۆ هاتۆت ەئاراوە.
ئینتێرفاکسیش دەڵێ ئەو دوو تەقینەوەیە لە ڕێگەی دوو ترۆمبیل و لە دوو وێستگەی جیاوازدا، ڕووی داوە.
شایەتحاڵان باس لەوە دەکەن کە لە ناو کوژراو و بریندارەکاندا، ڕێژەیەکی بەرچاویش منداڵی تێدا بووە.
ڤیلادیمێر پوتین، سەرۆک کۆماری ڕووسیە کە بۆ سەردانی سەرۆک کۆماری بیلاڕووس لە سەرن پترزبورگ ـە، گوتوویەتی کە هۆکاری ئەو تەقینەوانە تا ئێستاش ناڕوونە و بەرپرسانی پەیوەندیدار خەریکی تاووتوێ کردنی هۆکارەکانن.
پوتین دەڵێ، سەرجەم ئەگەرەکان و لە ناویاندا، تیرۆر و هێرشی تیرۆریستی لەبەرچاو گیراوە.
