حەوت پارتی کوردستانی، لە ڕاگەیێندراوێکی هاوبەشدا، پشتیوانیی خۆیان بۆ خواست و داواكاریه‌كانی گه‌لانی ئێران و گه‌لی كوردستان ڕاگەیاند.
ڕۆژی کورد: لە بەشێک لەو ڕاگەیێندراوە هاوبەشەدا هاتووە، “ڕژیمی ئێستای ئێران بووه‌ته سه‌رچاوه‌ی كێشه و هه‌ڕه‌شه و نائارامی بۆ وڵاتانی عێراق و سوریا و لبنان و یه‌مه‌ن و ووڵاتانی كه‌نداو و گه‌لانی ئێران و گه‌لی ڕۆژهه‌ڵاتی كوردستان و سه‌رجه‌م ڕۆژهه‌ڵاتی ناوه‌ڕاست و ناوچه‌كه و جیهان”.
دەقی ڕاگەیێندراوەکە بەو شێوەی خوارەوەیە:
ئازادیخوازان و خه‌باتگێڕانی ئێران و ڕۆژهه‌ڵاتی كوردستان
ئێمه ئه‌و لایه‌نه سیاسییه كوردستانیانه‌ی كه له خواره‌وه ئاماژه به‌ناوه‌كانمان دراوه، پاڵپشتیی خۆمان بۆ خواست و داواكاریه‌كانی گه‌لانی ئێران و گه‌لی كوردستان دووپات ده‌كه‌ینه‌وه وئێمه پێمان وایه ئه‌وه به‌هاری شۆڕشی گه‌لانی ئێران و ڕۆژهه‌ڵاتی كوردستانه ، به‌م بۆنه‌وه‌ش داوا له‌كۆمه‌ڵگای نێونه‌ته‌وه‌یی و ڕای گشتی جیهان ده‌كه‌ین پاڵپشتی بۆ شۆڕشی گه‌لانی ئێران و گه‌لی كوردستان دیار بكه‌ن .
ڕژیمی ئێستای ئێران بووه‌ته سه‌رچاوه‌ی كێشه و هه‌ڕه‌شه و نائارامی بۆ وڵاتانی عێراق و سوریا و لبنان و یه‌مه‌ن و ووڵاتانی كه‌نداو و گه‌لانی ئێران و گه‌لی ڕۆژهه‌ڵاتی كوردستان و سه‌رجه‌م ڕۆژهه‌ڵاتی ناوه‌ڕاست و ناوچه‌كه و جیهان . هه‌ربه‌م بۆنه‌وه داوا له‌هیزه‌كانی ئۆپزسیۆنى ئێران و هێزه‌كانی ڕۆژهه‌ڵاتی كوردستان ده‌كه‌ین دوور له‌به‌كارهێنانی هێزی چه‌كداری خۆیان بكه‌ن به‌خاوه‌نی خۆپیشانه‌كانی گه‌لانی ئێران و گه‌لی كوردستان . له‌سه‌ر ئه‌و هێز و لایه‌نانه پێویسته یه‌ك بڕیار و یه‌كگوتار و یه‌كگرتوو و یه‌كڕیزبن .
* سه‌ركه‌وێ شۆرشی سه‌وزی گه‌لانی ئێران و گه‌له‌كه‌مان له‌ڕۆژهه‌ڵاتی كوردستان
* نه‌مری و سه‌رفرازی بۆ شه‌هیدانی نان و ئازادی گه‌لانی ئێران
* مه‌رگ بۆ ڕژێمی كۆماری په‌ت و سێداره و برسیه‌تی ئێران
ناوی حزب و لایه‌نه‌كان :
* الپارتي الديمقراطي الكوردستاني – سوريا
* پارتی نیستیمانیی كوردستان / سوریا
* پارتی دادی كوردستان
* پارتی كۆماری كوردستان
* پارتی سه‌ربه‌خۆیی كوردستان
* ده‌سته‌ی سه‌رۆكایه‌تی حیزبی ڕزگاریی كوردستان
* بزوتنه‌وه‌ی نوێبوونی كوردستان
13 / به‌فرانبار / 2717 كوردی
3 / 1 / 2018 زایینی
