حوکمی ئێعدامی” ڕەزا ڕەسایی” زیندانیی سیاسیی کورد لە بەرەبەیانی ڕۆژی سێشەممە ١٦ی گەلاوێژ لە زیندانی” دیزل ئاباد”ی شاری کرماشان جێبەجێ کرا.
بەرپرسانی زیندانی دیزڵ ئاباد لە کرماشان لەم دواییانەدا دەستڕاگەیشتن بە پەیوەندیی تەلەفۆنی لەگەڵ بنەماڵەکەی و هەروەها سەردانی كردنی ڕەزا ڕەساییان پچڕاند.
شەهید ڕەزا ڕەسایی تەمەن ٣٤ ساڵ، لە مانگی ڕەزبەری ساڵی ١٤٠٢دا، لە لایەن لقی دووی دادگای تاوانەکانی پارێزگای کرماشانەوە بە تۆمەتی کوشتنی بە ئەنقەست، حوکمی تۆڵەسەندنەوەی (قەساس)ی بەسەردا سەپێندرا. دواتر ئەم حوکمە لە دادگای باڵا لە كاتێكدا كۆمەڵێك كەموكوڕی هەبوو پشتڕاستکرایەوە.
لە حوکمی دادگای کۆماری ئیسلامیدا، (غوڵام) ڕەزا ڕەسایی بە کوشتنی نادر بەیرامی بەرپرسی ئیدارەی ئیتلاعاتی تیرۆریستی شاری سەحنە لە پارێزگای کرماشان تۆمەتبار کراوە.
