تەقینەوە و لەرینەوەیەکی نائاسایی مەریوانی هەژاند

0
968

ماوەی نزیک بە نیو کاتژمیر بەر لە ئێستا، دەنگی تەقینەوەیەکی بەهێز کە هەموو مەریوانی لەراندەوە، ئەو شارەی هەژاند.

ڕۆژی کورد: بەپێی هەواڵی هەواڵنێری ناوەندی ڕۆژی کورد لە مەریوانەوە، کاتژمێر نزیک بە ٤ی بەرەبەیانیی یەکشەمە ١٣ی مای بەرانبەر لەگەڵ ٢٣ی بانەمەڕی ٢٧١٨ی کوردی، دەنگی تەقینەوەیەکی بەرز هەموو مەریوانی داگرت.

بەدوای تەقینەوەکە، سەرجەم شار بە ڕێژەیەکی بەرز لەرزیوەتەوە.

دەنگی لەرزینەوە و لەرینەوەکە و ڕێژەی لەرزینەوەکە بە ڕادەیەک بەرز بووە کە سەرجەم خەڵکی شاری ڕژاندۆتە ناو شەقامەکان و کەس لە ناو ماڵەکان نەماوەتەوە.

لە کاتی داڕشتنی ئەو هەواڵە، سەرجەم خەڵکی مەریوان لە ناو ماڵەکانی خۆیان هاتوونە دەر و لەسەر شەقامن.

لەناو خەڵکی شار باس لە ڕوودانی بوومەلەرزە دەکرێ بەڵام هەواڵنێری ناوەندی ڕۆژی کورد و چەند سەرچاوەیەکی تر کە لە کاتی ڕوودانی تەقەکە بەخەبەر بوون باس لە دەنگی تەقینەوەیەکی بەهێز دەکەن.

پێشتر لە هەواڵەکانی ناوەندی ڕۆژی کورددا، باس لە هەبوونی سایتێکی ناوکی لە دەڤەری مەریوان کراوە.

تا ئێستا ڕوون نیە هۆکاری ئەو تەقینەوە و لەرینەوەی شار چیە بەڵام زانیاریەکان باس لە نائاسایی بوونی دەنگی تەقینەوەکە و ڕێژەی لەرینەوەی شار دەکەن.

تا ئێستاش هیچ باسێک لە عەردهەژ و پاش عەردهەژ لە مەریوان لە ئارادا نیە.

ئەو هەواڵە بە گەیشتنی زانیاریی زیاتر، نوێ دەکرێتەوە.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.