ئەنجوومەنی ئاسۆی ڕوونی بانە ڕێز لە ڕۆژی زمانی زگمانکی دەکرێ و هەڵبژاردن بایکۆت دەکات

0
582

ئەنجوومەنی ئەدەبی، کۆمەڵایەتی و فەرهەنگی “ئاسۆی ڕوون” ـی شاری بانە، ئەوساڵ بۆ دووهەمین جار، بە بەڕێوەبردنی ڕێ و رەسمی تایبەت، ڕۆژی زمانی دایکی بەرز ڕادەگرن.

بەبۆنەی ڕێزگرتن لە ڕۆژی جیهانی زمانی زگماکی بەرنامەیەک لە ژێر ناوی ناسنامەی من لە ڕۆژهەڵاتی کوردستان و شاری بانە بۆ دووهەمین جار بەڕێوەدەچێ.

بەرنامەی ناسنامەی من وەک گەورەترین و پڕبینەرترین بەرنامەی فەرهەنگی، کۆمەڵایەتی ئەنجوومەنەکانی  ڕۆژهەڵات دێتە ئەژمار، هەر بۆیەش بەرپرسان بە هەموو شێوەیەک کۆسپ و لەمپەر دەخەنە سەر ڕێی.

بەرنامەی “ناسنامەی من”، لە دوو بەشدا و بەدوو شێوازی جیاواز بەڕێوە دەچێ. لە بەشی یەکەمدا ئەدیب و ماموستایانی زمانناس، کۆمەڵناس و دەروونناس وتارەکانی خۆیان پێشکەش دەکەن و لە بەشی دووهەمدا بەرنامەیەکی هونەری فەرهەنگی زۆر گرینگ بەڕێوە دەچێ.

ئەو بەرنامەیە لە لایەن گرووپی شانۆی ئاسۆی ڕوون، ئەنجومەنی کۆمەڵایەتی زانستی و فەرهەنگی ئاسۆی ڕوون و بەدرووشمی “خوێندن بەزمانی زگماکی مافی خۆمانە”، بەڕێوەدەچێ.

سەبارەت بە هەڵبژاردنی خولی دەهەمی پارلمان و خولی پێنجەمی مەجلسی خیبرەگان،  ڕای ئەنجومەن وایە کە بایکۆتی هەڵبژاردن بکات و هۆکارەکەش دەگەڕێننەوە بۆ نەبوونی هیچ جۆرە دەستکەوت و چالاکیەکی کۆمەڵایەتی لە مەجلیس و خولە جیاوازەکانی پارلمان  و لایان وایە  ئەوەی ئەوان بەشیاومان زانیوە، بە شیاوی وەرنەگیراوە.

هەر بۆیە وەک ئەنجومەن لە هەڵبژاردن دا بەشداری ناکەیین و تەنانەت ناو تۆڕە کۆمەڵایەتیەکانیش ئێمە یاسامان بۆداناون کە هیچ جۆرە پڕوپاگەندەیەک نەکرێ.

شایانی ئاماژەیە کە ئەنجومەنی “ئاسۆی ڕوون” لە پێناسەی خۆیدا، خۆی وەک ئەنجوومەنێکی بێ لایەن دەناسێنێ و دەڵێ: سەربەهیچ ڕێکخراو و پارت و ئەنجومەنێک نین و ناشبین و تەنانەت پشتگیری هیچ ڕێکخراوەک ناکەیین بەتایبەت لە ڕۆژهەڵاتی کوردستان و پشتگیری هیچ تاکێک ناکەیین لە کاتی بانگەشەی هەلبژاردن.
هەروەها ئێستا ئێمە خۆمان ڕێکخراو یا بە واتاییکی تر ئەنجومەنێکین کە ناو دڵی گەل دا هەڵقوڵاوین وسەربەخۆین و لەژێر کاریگەری هیچ ئۆرگان و سازمانێک دا نین و ناشبین.
ئەنجۆمەنی کۆمەڵایەتی ئاسۆی ڕوون هەوڵی بن بڕ کردنی کێشەکۆمەڵایەتیەکان دەدات و وەک ڕووبار بێ وچان چالاکی دەکات و ناوێستین.

دەستەی بەڕێوەبەرانیئەنجموونی ئاسۆی ڕوون لە ئێستادا بریتین لە: ئێسماعیل غەمگین
واحیدشێخی، کولسوم قادری، تەرزە عەزیزی، سەردار تاهیری، دڵسۆزڕسووڵزادە، ئیبڕاهیم ئیبڕاهیمی، ڕۆژانۆ عەزیزی، ماردین شێخی ، خالدمەعروفی ، دیمەن مەجیدی، محەمەد محەمەدی، شیوا محەمەدنژاد

شایانی باسە کە بڕیارە ئەنجموونەی کۆمەڵایەتی، ئەدەبی و فەرهەنگی “ئاسۆی ڕوون” لە ٢٢ شاری تر، لق بکاتەوە. لەو بارەوە لە وێبلاگی ئاسۆی ڕووندا نووسراوە:  ەک مزگێنی؛لەگەڵ هاتنی مۆڵەتی چالاکی ئەنجومەن؛ لە 22شاری گەورە لەق دەکەینەوە،چونکە کێشەکانی سنە؛شائاباد؛شیراز؛مەریوان؛بانە و… یەک کێشە نین؛کەوابوو وەک پێویست ؛دەتوانین لەهەموو شارەکان لەبەرژەوەندی گەلەکەمان و گەشەسەندنی مرۆڤایەتی لە ڕۆژهەڵات و باشوور، لە تاران وشیراز و ئیسفەهان و…،لەق دەکەینەوە.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.