ئوسترالیا: ئێران لە وڵاتەکەماندا خەریکی ئاژاوەنانەوە و کرداری تیرۆریستییە  

مایک بەرجس ، بەرپرسی ئاژانسی ئەمنییەتیی ئوسترالیا ئاشکرای دەکات ، ئێران لە وڵاتەکەیاندا خەریکی ئاژاوە نانەوەیە و چەند وڵاتی دۆستیش هاوکاریان کردووە .

 بەرجس لە لێدوانێکدا بۆ کەناڵی ” بی بی سی ” ئوسترالیا پشتڕاستی دەکاتەوە ، ماوەی دووساڵە ئێرانییەکانی نیشتەجێ لەم وڵاتەدا  لە ژێر چاوەدێری دان و زانیویانە خەریکی کاری تێکدەرانەو تیرۆریستین، بەڵام تا ئێستا سەرکەوتوو نەبوون.

 بەرپرسی ئاژانسی ئەمنییەتیی ئوسترالیا ئاماژەی بەوەش کردووە لەم کارە تێکدارانەیەدا کۆماری ئیسلامی بە تەنیا نییەو چەند وڵاتێکی تریش هاوکاریان کردووە ، بۆیە ئەگەر بێت و پاشگەز نەبنەوە ناوی ئەو وڵاتانەش ئاشکرا دەکات و دەبێتە جێگەی سەرسووڕمانی جیهانی  .

 ئەوە لە کاتێکدایە پێشتر وەزیری فیدڕاڵی ئوسترالیا لە لێداونێکدا دەستگیرکردنی چەند کەسێکی بە ڕەگەز ئێرانی ڕاگەیاندبوو کە بەنیازی کاری تێکدەرانەو تیرۆریستی بوون لە وڵاتەکەیاندا .

هەربۆ بەربەرەکانی لە گەڵ ئەم گرووپانە ئاژانسی پاراستنی ئوسترالیا تیمێکی تایبەتی پێکهێنا و لە رێگەی ئەو تیمەوە توانی چەندکەسێکی ئێرانی و ئوسترالی دەستگیر بکات .

ئامانجی کاری تێکدەرانەی ئێران تیرۆری کەسایەتییەسیاسییەکانی دژبەری ئێران بووە لەم وڵاتەدا ، بۆیە لە دوای دەستگیرکردنی ئەو تیرۆریستانە ، سەفیری ئێران لە ئوسترالیا بانگ کراوەو هۆشداری فەرمی دراوەتە کاربەدەستانی ئێران .

سه‌رنج و كۆمێنت

كۆمێنت