ڕێکەوتی ۳۱ی ژانویەی ۲۰۱٨ چالاکییەک بۆ پشتیوانی لە بەندکراوانی سیاسی مەحکووم بە سێدارە ڕامین حسین پەناهی و هیدایەت عەبدووڵاپوور بەڕێوەچوو.
ڕۆژی کورد: ڕۆژی چوارشەممە، ۱۱ی ڕێبەندانی ۲۷۱۷ ی کوردی بەرانبەر بە ٣١ی ژانویەی ٢٠١٨ی زایینی، چالاکییەک لە ژێرناوی نا بۆ لەسێدارەدانی بەندکراوانی سیاسی ڕامین حسین پەناهی و هیدایەت عەبدووڵاپوور لە شاری دوسلدۆرفی وڵاتی ئاڵمان بەڕێوەچوو.
لەم چالاکیەدا کوردانی هەرچوار بەشی کوردستان ناڕەزایەتیی خۆیان لەو حوکمە نامرۆڤانەیەی کۆماری ئیسلامی دەربڕی و بەهەڵگرتنی پلاکاردی لەو بارەوە دەنگی خۆیان خستەپاڵ دەنگی خەڵکی ڕۆژهەڵاتی کوردستان.
هەربەبۆنەی سەپاندنی ئەو حوکمە، ڕۆژی شەممە، ۱۴ی ڕێبەندانی ١٣٩٦ی هەتاوی، خۆپیشاندانێک لەلایەن چالاکانی سیاسی و مافی مرۆڤیی هەرچواربەشی کوردستان لەشاری کۆڵن لەوڵاتی ئاڵمان دژبەو بڕیارە بەڕێوەدەچێت.
