سەرکردەیەکی یەکیەتی سەرچاوەی هەواڵی کشانەوەی پێشمەرگەکانی دیمۆکرات بوو

0
2487

رۆژی کورد: پاش ئەوەی هەواڵ و دەنگۆی کشانەەی پێشمەرگەکانی حیزبی دیـۆکرات لە سنوورەکان بەرەو قووڵایی خاکی هەرێمی کوردستان بڵاو کرایەوە، شەپۆلێکی کاردانەوەی چالاکانی سیاسیی کوردی لە تۆڕە کۆمەڵایەتییەکان لێکەوتەوە.

 سەرچاوەیەکی ئاگادار بە هەواڵنێری رۆژی کوردی راگەیاند،  کە هەواڵی کشانەوەی پێشمەرگەکانی حیزبی دێمۆکرات لەلایەن ئەندامێکی سەرکردایەتیی یەکیەتی نیشتمانیی کوردستانەوە بە کوردستان ٢٤ راگەیاندراوە.

ئەو سەرچاوەیە ئاشکرای کرد کە سەعدی ئەحمەدپیرە، ئەندامی دەفتەری سیاسیی یەکیەتیی نیشتمانی بە کوردستان ٢٤ی راگەیاندبوو کە پێشـەرگەکانی حیزبی دیمۆکرات لە سنوورەکان کشاونەتەوەو هۆکاری کشانەوەشیان بۆ رەچاوکردنی بارودۆخی هاووڵاتییانی کوردی دانیشتووی هەرێمی کوردستان گەڕاندۆتەوە.

هەتا ئێستا بە فەرمی حیزبی دیمۆکرات هەواڵی کشانەوەی پێشمەرگەکانی لە سنوورەکان رەت یان پشتڕاست نەکردۆتەوە، بەڵام بەپێی چەند سەرچاوەیەکی ئاگادار، ئەو هەواڵە لەلایەن هەر دوو حیزبی دیمۆکراتی کوردستانی ئێران و حیزبی دیمۆکراتی کوردستانەوە بێ بنەماو دوور لە راستی لەقەڵەم دراوە.

لە سەرەتای بەهاری ساڵی ١٣٩٤ی هەتاوی پێشـەرگەکانی حیزبی دیمۆکراتی کوردستانی ئێران و دواتریش حیزبی دیمۆکراتی کوردستان لە چیاکانی کێلەشین، هەڵگورد لە نزیک شارەکانی رۆژهەڵاتی کوردستان جیگیر بوون و سەرەتای ئەمساڵ خولێکی نوێی خەباتی نەتەوەیی‌یان بە دژی رژیمی ئسیلامیی ءیران راگەیاندووە.

حیزبی دیمۆکراتی کوردستانی ئێران بەردەوام بانگەشەی بەرین کردنەوەی خەباتی پێشمەرگەکانی لە ناو خەڵكدا کردووە، بۆیە بڵاوبوونەوەی هەواڵی کشانەوەی پێشمەرگەکانی ئەو حیزبە لە سنوورەکان کاردانەوەی خێرای چالاکانی سیاسیی لە تۆڕە کۆمەڵایەتییەکان لێکەوتەوە.

 

سه‌رنج و كۆمێنت

كۆمێنت