دەوڵەتی چیک دەفتەری نوێنەرایەتیی YPGی داخست

0
723

هاوکات لەگەڵ کردەوەی خۆکوژیی هێزەکانی “تاک” لە تورکیا دەوڵەتی چیک بەهۆی پەیوەندی و کاریگەریی پەکەکە لەسەر هێزەکانی YPG، دەفتەری نوێنەرایەتیی YPGی پاش چند رۆژ کرانەوەی لە شاری پراگ، داخست.

رۆژنامەی “پراڤۆ”ی وڵاتی چیک سەبارەت بە داخستنی دەفتەری نوینەرایەتیی یەپەگە بڵاوی کردەوە، یەپەگە لەلایەن دەوڵەتی چیکەوە بە فەرمی نەناسراوەو کردنەوەی نووسینگەی YPG نایاسایی و بەبێ ئیزنی دەوڵەت بووە.

یەکینەکانی پاراستنی گەل دوای هەڵوەشاندنەوەی کانتۆنەکان لە رۆژئاوا، یەکلایەنە سیستمی فیدڕاڵی لە سووریا راگەیاندوە، بەڵام هەتا ئێستاش ئەو سیستەمە لەلایەن هیچ لایەنێکی سووریا و هیچ وڵاتێکەوە بە فەرمی نەناسراوە.

021320رۆژنامە چیکیەکە لە زاری “میکائیلا لاگرۆنۆڤا” وەزیری دەرەوەی چیکەوە بڵاوی کردۆتەوە، کە دەوڵەتی وڵاتەکەی هیچ پەیوەندییەکی لەگەڵ یەپەگە نییە و بەهۆی نزیکایەتی یەپەگە لەگەڵ پەکەکە هیچ پەیوەندییەکی لەگەڵ دانامەزرێنن.

ئەو رۆژنامەیە لە زاری مایکێل مووراد مامۆستای زانستە سیاسییەکانی زانکۆی “ماساریک”ەوە نووسیویەتی: “بەهۆی ئەویەکە یەپەگە هێزیکی ئایدیۆلۆژییە، ناکرێ پەیوەندی لەگەڵدا بگرن”.

ئەو مامۆستایەی زانکۆی ماساریک گووتووشیەتی، بە هۆی بوونی یەپەگە لە رۆژاوا هەتا ئێستا دەوڵەتی چێک یارمەتیی هێزە کوردییەکانی دیکەی رۆژئاوا نەداوە”.

ئەو رۆژنامەیە ئاماژەی بەوەش کردووە، بەهۆی ئەوەیکە پەکەکە لە دەیەی ٨٠ و ٩٠ کردەوەی نایاسایی و لە تورکیا کردەوەی “تیرۆریستی” ئەنجام داوە، ئیزن نادەن بەهۆی دەفتەری نوێنەرایەتیی YPGـەوە پەیوەندییان لەگەڵ تورکیا تێک بچێ.

سه‌رنج و كۆمێنت

كۆمێنت