سەلاسی باوەجانی: شەڕ لە نیوان گریلاکانی پژاک و هێزەکانی سپای تیرۆریستیی پاسداران هاتە ئاراوە

0
751

ڕۆژی کورد: بەپێی هەواڵی هەواڵنێری ڕۆژی کورد لە سەلاسی باوەجانی، ڕۆژی هەینی ١١ی پووشپەڕ لە دۆڵی دەرە، لە ناوچەی سەلاسی باوەجانی، سێ جاشی ئەو ناوچەیە بە ناوەکانی  سابیر خاڵخاڵ کە لە دەست بەسەر کردنی شەهید ناسر سوبحانی، شەهیدی حیزبی دێموکراتدا کە  دەست بەسەر و دواتر شەهید کرا دەستی هەبووە هاوڕێ لەگەڵ دوو جاشی تر بە ناوەکانی ساڵح شعری و حوسێن یاسە ناسراو بە حوسێنە کوچ  کە هەر سێکیان جاشی خانەنشین کراون گەمارۆی پۆلێکی ٧ کەسی لە گریلاکانی پژاک ـیان داوە.

لە کاتی گەمارۆکەدا یەکێک لە گریلاکان پێکراوە و لەلایەن هەندێک خەڵکی ناوچە بۆ باغێک بە ناوی باخی حاجی سالار لە مەیانەی سەر بە سەلاسی باوەجانی  ڕاگوازراوە ئەوانەی تر ڕزگاریان بووە.

سی جاشی ئاماژە پێکراو  دواتر بە بێ سیم پەیوەندی بە پاسدار و جاشەکانی ترەوە دەکەن و هیزێکی زۆری ڕژیم دێتە ئەو ناوچە و گەمارۆی باخەکە دەدات.

بەپێی لێدوانی شایەتحاڵان، ئەو گریلایە کە بە هۆی گەمارۆی قورسی هێزەکانی ڕژیم و جاشەکانی ناوچە هیچ ڕێگایەکی دەربازبوون شک نابا بە نارنجەک خۆی تەقاندۆتەوە و لە ئەنجامدا شەهید بووە.

تا ئێستا هیچ زانیارییەک لەمەڕ خەسار و زیانی مادی و گیانیی هێزەکانی ڕژیم لەبەردەست دا نیە.

سه‌رنج و كۆمێنت

كۆمێنت