سپا، ڕێ و ڕەسمی ڕێز لێنان بۆ فەرماندەی کوژراوی حیزبووڵا دەگرێ

0
180

سپای تیرۆریستیی پاسدارانی ئێران لە ڕاگەیێندراوێکدا ڕایگەیاند لە شاری تاران ـی پێتەختی ئێران، ڕێوڕەسمی ڕێز لێنان بۆ فەرماندەی کوژراوی حیزبووڵا لە سووریە دەگرن.

ڕۆژی کورد: بەپێی ڕاگەیێندراوی سپای تیرۆریستیی پاسدارانی ڕژیم کە لە هەواڵدەریی تەسنیم بڵاو بۆتەوە، سبەی سێ شەممە ٤ی جۆزەردانی ١٣٩٥ی هەتاوی، ڕێ و ڕەسمێک بۆ مستەفا بەدرەددین، فەرماندەی پایەبەزری حیزبووڵا کە لە شەڕی سووریە کوژراوە، بەڕێوە دەچێ.

سپای پاسداران لەو ڕاگەیێندراوەی خۆیدا، ئەو فەرماندە کوژراوەی حیزبووڵڵای لوبنانی بە کەسێکی “خاوەن لێزانی و پسپۆڕیی تایبەت لە پلان دانان و ڕێکخستنی گەڵاڵەی عەمەلیاتی”، ناساندنووە.

سپای تیرۆریستیی پاسدارانی ڕژیم هەروەها بەدرەددین مستەفا ـی بە “هەوێنی وزە و ئیلهامی موجاهیدەکان و جەهادکەرەکان” پێناسە کردووە و گوتوویە، ناوبراو  “پووچەڵ و بێ ئەنجام کەری سیاسەتە ناوچەییەکانی سیستەمی داسەپێنەر، سەهیونیسم و شەڕ لەگەڵ تیرۆریزمی تەکفتیری” بوو.

بە پێی لێدوانی شارەزایانی سیاسی و ستراتژیک، حیزبووڵا هاوشان و هاوتا لەگەڵ ئێران، دەورێکی کاریگەری لە پاراستنی ڕژیم هەیە، هەروەه ا پێشتر و لە کاتی شەڕی نێوان هێزەکانی ی پ گ و ئەسەددا، هەندێ دەنگۆ لەمەڕ بەشداریی فەرماندەیەکی باڵای حیزبووڵا لە ئاگربەستی نێوان ئەو دوو لایەنەدا بلاو بۆوە.

هونەر ئەحمەد، ڕۆژنامەوان و هەواڵدەری، ڕووداو لە لاپەڕەی فەیسبووکیی خۆیدا دەنووسێ

ئاگر بەستی قامیشلۆ بە ئامادەبوونی ئەم کەسانە راگەیەنرا .

١- جەمیل بایک . هاوسەرۆکی کەجەکە
٢- وەفدێکی باڵای ئێرانی .
٣-بوثەینە شەعبان راوێژکاری سیاسی و راگەیاندنی سەرۆکی سوریا بەشار ئەسەد .
٤- حاجی کەسێکی دیاری حزب الله ی لوبنانی .

سه‌رنج و كۆمێنت

كۆمێنت

‎وه‌ڵام بده‌وه‌