کوردەکانی قەزوێن ناڕەزایەتیی خۆیان لە هەمبەر بێ ڕێزی کردن بە کوردانی لەک، دەربڕی

0
211

ڕۆژی کورد: بەپێی زانیارییەکانی ڕۆژی کورد، کوردەکانی ناوچەی تارەمی سەرووی (تارم سوفلا)ی سەر بە باژێڕی قەزوێن، ناڕەزایەتیی خۆیان لە هەمبەر بێ ڕێزی کردن بە کوردانی لەک دەربڕی.

ئەو چالاکییە ناڕەزایەتییە لە گوندی “شیرین سوو” وە دەستی پێکردووە.

دەستەی بەڕێوەبەریی ئەم چالاکییە نامەیەکی ناڕەزایەتیان داوە بە کوردەکانی ئەو ناوچەیە و ئەوانیش لە ڕێگای واژۆکردنی ئەو نامە ناڕەزایەتییە، ناڕەزایەتیی خۆیان لە هەمبەر بێ ڕێزی کردن بە کوردانی لەک، دەربڕیوە.

دواتر ئەو نامە ناڕەزایەتییە لەلایەن کرێکاران چاوکانیی مس و زیوی گوندی زێی سەرووش واژوو کرا،  بەشێکی بەرچاو لە کوردانی لەک لەو چاوکانیە سرووشتیە کار دەکەن.

کوردانی ناڕازی بەهەڵگرتنی پلاکاردی هەڵگری درووشمی ناڕەزایەتی، دڵ ئێشیی خۆیان لەو بێ ڕێزییە ڕاگەیاند.

بەشێک لە درووشمی سەر پلاکاردی ناڕازییەکان بریتی بوون لە: “من لەکم”، “بێ ڕێزی بە کورد و لەک و لوڕەکان بە تووندی مەحکووم دەکەین”، بێ ڕێزی بە لەکەکان، بێ ڕێزی بە هەموو نەتەوەکانی ئێرانە”.

بڕیارە نامەی ناڕەزایەتیی جیا لە کوردەکان لە لایەن دێهیارەکانیشەوە واژۆ بکرێت.

Related Post

سه‌رنج و كۆمێنت

كۆمێنت