ڕۆژی کورد: ژنێکی کانادایی کە شوی بە پیاوێکی کوردی کوردستانی خۆرهەڵات کردووە و ماوەی ساڵێک و ٢ مانگە مێردەکەی وێڕای منداڵەکان گەڕاوەتەوە ئێران و هیچ هەواڵێکی لە منداڵەکانی نیە، لە پەیوەندییەکدا لەگەڵ ناوەندی ڕۆژی کورد، داوای یارمەتی لە سەرجەم خەڵکی ئێران و بەتایبەتی لە کوردستانیان دەکات.
نامەی ئالیسۆن ئازەر بەو شێوەی خوارەوەیە:
تکایه یارمهتیم بدهن بۆ وهدهستخستنی ههواڵی چوار جگەرگۆشەكەم که لە مانگی ئاگۆستی ٢٠١٥هوه هیچ سەروسۆراغێكیان نازانم.
کچهکانم شهڕڤان (١٢) و رۆژڤان (١٠) و کوڕهکانم دێرسیم ( ٨) و مهتین (٤)، که سهلاحهدین (سارێن) مهحمودی ئازهری باوكیان، بردنی بۆ عێراق و لهوێ ماوهی ٦ مانگ رایگرتن. پێش ئهوهی به نایاسایی بیانبات بۆ ئێران، له فێوریهی ٢٠١٦دا لهبهرئهوهی که ناوبراو بڕیارێکی یاسایی دادگای کانادای پێشێل کردوه و به رفاندنی چوار کهس مهحکووم کراوه.
ههربۆیه له لای ئهنترپۆلهوه وهک ههڵاتوو چاوی لێدهکرێ. من پێموایه که سارێن و منداڵهکان ئێستاکه له ورمێ دهژین. ئیزن به من نادات بیانبینم یان تهنانهت قسەشیان لهگهڵ بکهم.
ساڵی ٢٠٠٢ من و سارین له کانادا زهماوهندمان کرد. ههردووکمان هاووڵاتیی کاناداین، منداڵهکانمان له کانادا لەدایك بوون و ئێمه ساڵی ٢٠١٢ لێک جیابووینهوه و ههر ئهو کات ههردووکمان به پێی قهراری دادگا مافی ئاگاداری و سهرپهرشتیی (حق حضانت و سرپرستی)مان پێ بڕا. من منداڵهکانم به رهچاوکردنی باوهڕگەلی ئیسلامی و سامانی چهندکولتوری گهوره دهکرد.
منداڵهکان پێویستیان به دایکه و ئهوه ١٤ مانگە بێ دایکن. من ئیتر له دیتنیان بێهیوا بووم و پێموانیه بتوانم بهشێک له ژیانیان بم. کچهکانم له قۆناغێکی تهمهنیاندان که به راستی پێویستیان به رێنموێنی دایکیانه و کوڕهکانم هێشتا زۆر بچووکن.
داوای یارمهتیتان لێ دهکهم بۆ دهستخستنی ههواڵێک له منداڵهکانم. تکایه چاو له وێنهکانیان بکهن و ئهگهر ئهوانتان دیت، تکایه پێیان بڵێن که من خۆشیانم دهوێ و ههموو کارێک دهکهم بۆ ئهوهی دیسان بیانبینمهوه و به یهکتر شاد بینەوه.
تکایه پێیان بڵێن که من شانازییان پێوه دهکهم و ئهوان ههموو ژیانی منن. ئهگهر سارێنتان دی، تکایه پێی بڵێن ئهگهر بێتهوه کانادا، ئهوه بۆههموومان باشتره و من دهتوانم یارمهتیی بدهم بۆ ئهوهی که ژیانی تاکهکهسی و حیرفهیی دەست پێ بكەینەوە.
رێز و حورمهتی زۆر
ئالیسۆن ئازهر
کانادا