گوشاری ڕژیم بۆ سەر چالاکانی کورد و دەستبەسەرکردنیان بەردەوامە

0
301

ڕۆژی کورد: بەپێی زانیارییەکانی ناوەندی ڕۆژی کورد، لە درێژەی گوشارخستنە سەر چالاکانی کورد و دەستبەسەرکردنیان، ڕۆژی چوارشەممە ١٣ گەلاوێژی ١٣٩٥ی هەتاوی، هێزە ئەمنیەتیەكانی وەزارەتی ئیتلاعاتی ڕژیم هەڵیانكوتاوەتە سەر ماڵی ڕەحیم حوسێنی خەڵکی باژێڕی بۆكان و مامۆستای زانکۆی پەیامی نووری مەهاباد.

 بەگوێرەی زانیارییەکان، هێزە ئەمنییتەییەکانی ئیدارەی ئیتلاعات، دوای پشكنینی ماڵەكەی، دەستیان بەسەر هەندێك لە كتێب و كەلوپەلە شەخسیەكانی ناوبراو وەک لەبتاب داگرتووە.

دواتر ئەو مامۆستا کوردە دەستبەسەر و بۆ ئیدارەی ئیتلاعات ڕاگواستراوە و زیاتر لە ٣ کاتژمێر لێپرسینەوە و لێکۆڵینەوەی لەگەڵدا کراوە.

تا ئێستا هۆکاری ئەو هەڵکوتانە سەر و ماڵ و دەستبەسەر کردنی ئەو مامۆستا کوردەی شاری بۆکان، ناڕوونە.

لە دوو مانگی ڕابردوودا زیاتر لە ٥٠ کەس لە هاونیشتمانیانی کورد لە باژێڕە جیاجیاکانی کوردستان و بەتایبەتی لە شنۆ، پیرانشار، سەردەشت، بۆکان، مهاباد و سەقز و دیواندەڕە و مەریوان لە لایەن ئیدارەی ئیتلاعات و ئیتلاعاتی سپاوە دەستبەسەر کراون کە تا ئێستاش چارەنووسی بەشێک لەو دەستبەسەرکراوانە ناڕوونە.

Related Post

سه‌رنج و كۆمێنت

كۆمێنت