Li parêzgeha Urmiyê ya Rojhilatê Kurdistanê ji ber ketina aşûtê 4 kolber di bin berfê de man û jiyana xwe ji dest dan.
Şeva (21-03-2017) li gundê Tirsawa ya navçeya Kotola serbi bajarê Xoyê, 5 kolberên kurd ketin bin aşûtê.
Li gorî agahiyan koberên kurd dema ji Bakûrê Kurdistanê derbasî Rojhilat dibûn, li ser sînor ketine bin berfê û 4 ji wan canê ji dest dane û yek jî birîndar bûye.
Hate gotin, ku rewşa kolberê birîndar xeter e û ew rakirine nexweşxaneyê.
Ji bilî van kolberan, di zivistana îsal de 8 kolberên din li Urmiyê ji ber aşûtê û sermayê bûne qurbanî.
